Batumelebi | მოსწავლეებს სასწავლო პროგრამები ტელევიზიითაც მიეწოდებათ – სამინისტრო მოსწავლეებს სასწავლო პროგრამები ტელევიზიითაც მიეწოდებათ – სამინისტრო – Batumelebi
RU | GE  

მოსწავლეებს სასწავლო პროგრამები ტელევიზიითაც მიეწოდებათ – სამინისტრო

განათლების სამინისტრო ინფორმაციით, კორონავირუსის გამო შექმნილი ვითარებიდან გამომდინარე, სკოლის მოსწავლეებისთვის სასწავლო პროგრამების მიწოდება დაიწყება სატელევიზიო და ონლაინ პლატფორმებით.

„პროექტზე რამდენიმე დღის განმავლობაში ინტენსიურად მუშაობდნენ და დღეს უკვე პროექტი წარმოებაში ჩაეშვა“, – ნათქვამია სამინისტროს მიერ გავრცელებულ განცხადებაში.

ამავე წყაროს ცნობით, პროგრამა ხელმისაწვდომი იქნება ყველა მოსწავლისთვის, რისთვისაც გამოყენებული იქნება საქართველოს პირველი არხის ყველა მედიაპლატფორმა – მეორე არხი, ვებპორტალი 1tv.ge, საქართველოს პირველი არხის youtube და ფეისბუქგვერდები.

„განათლების სამინისტრომ უზრუნველყო მასწავლებლების ჩართულობა, მომზადდა სასწავლო პროგრამები, საგნობრივი რეკომენდაციები და ინსტრუქციები.

პირველი არხი უზრუნველყოფს მსოფლიოს საუკეთესო სტუდიების მიერ მომზადებულ სასწავლო დოკუმენტური ფილმების თარგმნას და ამ პროექტის ფარგლებში ჩვენებას.

ასევე გადაწყდა, რომ აღნიშნული პროექტი, მისი მნიშვნელობიდან გამომდინარე, გაგრძელდება შექმნილი ვითარების დასრულების შემდეგაც“, – ამბობენ განათლების სამინისტროში.

„ონლაისწავლებასთან დაკავშირებით „ბათუმელების“ დამატებით კითხვებს, განათლების სამინისტროში არ პასუხობენ. სამინისტროს არც იმ კითხვებზე აქვს პასუხი, როგორ აპირებს თანასწორი გარემოს შექმნას სოციალურად დაუცველი მოსწავლეებისთვის, რომლებსაც არ აქვთ წვდომა ინტერნეტზე და სხვა ელექტრონულ რესურსებზე.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com