ეკატერინე ტიკარაძე, საქართველოს ჯანდაცვის მინისტრი:
„სწრაფ ტესტებზე ჩვენ გვაქვს მოლაპარაკებები როგორც კორეასთან, ასევე ჩინეთთან და გვაქვს იმედი, რომ კვირის ბოლოს ჩვენ შეგვეძლება კონკრეტულ რაოდენობებზე საუბარი, ჩვენი საელჩო უზრუნველყოფს ამ ტვირთის ჩამოტანას საქართველოში და საჭიროების შემთხვევაში, როცა მოსახლეობის რაოდენობაში ჩვენ დავაფიქსირებთ გარკვეულ უკონტროლო ზრდას, გვექნება უკვე იმის რესურსი, რომ მოვახდინოთ მოსახლეობის მასიური ტესტირება.
კორონავირუსის სახლში მართვა გულისხმობს იმას, რომ თქვენ იცით, 80-დან 82 პროცენტამდე ვირუსის მიმდინარეობა არის მსუბუქი და სწორედ ისეთი პაციენტები, რომელთაც ექნებათ მსუბუქად გამოვლენილი ფორმები, ისინი მიიღებენ სახლში ოჯახის ექიმის მომსახურებას.
სად მოხდება ტესტირება, ამასთან დაკავშირებით ჩვენ ვამზადებთ კონკრეტულ გეგმას და მას შემდეგ, რაც ოჯახის ექიმები ჩაერთვებიან პროცესში, გეგმა გახდება საზოგადოებისთვის ცნობილი“.
_____________
წყარო: საქართველოს მთავრობა, ბრიფინგის ჩანაწერი
