ბათუმის მერია ქალაქში სადარბაზოების დეზინფექციას იწყებს – ამის შესახებ ბათუმის მერმა, ლაშა კომახიძემ, დღეს, 17 მარტს, მერიაში გამართულ ბრიფინგზე განაცხადა.
ჯამში მერია ბათუმში მდებარე 850 კორპუსის დეზინფექციას გეგმავს.
მერის განცხადებით, სადარბაზოების დეზინფექციას მერია პირველ ჯერზე ჩაატარებს უფასოდ, მეორე-მესამე შემთხვევაში კი, დეზინფექცია ფასიანი იქნება და კვადრატულ მეტრზე 10 თეთრი იქნება გადასახდელი.
დეზინფექციის განმეორებით ჩატარების მოთხოვნით მოსახლეობამ ცხელი ხაზის შემდეგ ნომერზე უნდა დარეკოს: 577 49 59 59.
