მთავარი,სიახლეები

გერმანია, საფრანგეთი, ავსტრია და ესპანეთი – ამ ქვეყნებიდან ჩამოსულებიც გაივლიან კარანტინს

12.03.2020 • 2632
გერმანია, საფრანგეთი, ავსტრია და ესპანეთი – ამ ქვეყნებიდან ჩამოსულებიც გაივლიან კარანტინს

დღეს, 12 მარტს, საქართველოს მთავრობის სხდომაზე ქვეყნის პრემიერმა გიორგი გახარიამ კორონავირუსთან დაკავშირებით რამდენიმე საკითხზე იმსჯელა. გახარიას თქმით, მსოფლიო ჯანდაცვის ორგანიზაციის მიერ კორონავირუსის გამო გამოცხადებული პანდემიის პირობებში, სამთავრობო უწყებები გადადიან საგანგებო სამუშაო რეჟიმზე და ეს განსაკუთრებით ეხება რამდენიმე უწყებას – ჯანდაცვას, შსს და ფინანსთა სამინისტროებს.

პრემიერმა გახარიამ თქვა, რომ კორონავირუსის პანდემიის პირობებში მთავრობას და სახელმწიფო ყველა უწყებას ეძლევა რეკომენდაცია, შესაძლებლობის ფარგლებში, გადავიდეს დისტანციური შრომის პირობებზე და თითოეული თანამშრომელი, რომლის ადგილზე ყოფნა არ არის აუცილებელი, იყოს დისტანციურ რეჟიმში გადაყვანილი.

იგივე რეკომენდაცია ეძლევა ყველა კერძო სტრუქტურას.

გახარიას თქმით, ამ ნაბიჯმა ხელი არ უნდა შეუშალოს მთავრობის და სახელმწიფო ორგანოების მუშაობას.

გახარიამ ასევე განაცხადა, რომ მკაცრდება საქართველოში შემოსვლის წესები, როგორც საქართველოს, ისე უცხო ქვეყნის მოქალაქეებისთვის. „ჩვენ უკვე დაწესებული გვაქვს გარკვეული შეზღუდვები ჩინეთიდან, სამხრეთ კორეიდან, იტალიიდან და ირანიდან. ამ რეჟიმს ემატება გერმანია, საფრანგეთი, ავსტრია და ესპანეთი. საქართველოს ყველა მოქალაქე, რომლებიც ამ ქვეყნებიდან შემოდიან, გაივლის 14 დღიან  საკარანტინო რეჟიმს“.

გახარიამ დასძინა, რომ უცხო ქვეყნის მოქალაქე საზღვარზე წარმოადგენს ან შესაბამის სამედიცინო ცნობას, რომ კორონავირუსზე მას ჩატარებული აქვს კვლევა და კორონავირუსის მატარებელი არ არის, ან ისიც 14-დღიან საკარანტინო რეჟიმში მოთავსდება.

გადაბეჭდვის წესი


ასევე: