Batumelebi | ქალაქი ჩინეთში, რომლის ქუჩები ერთი თვის წინ სრულიად ცარიელი იყო [ვიდეო] ქალაქი ჩინეთში, რომლის ქუჩები ერთი თვის წინ სრულიად ცარიელი იყო [ვიდეო] – Batumelebi
RU | GE  

ქალაქი ჩინეთში, რომლის ქუჩები ერთი თვის წინ სრულიად ცარიელი იყო [ვიდეო]

ჩინეთის 5-მილიონიანი ქალაქი ანიანგი ცხოვრების ძველ რიტმს ნელ-ნელა უბრუნდება. ორთვიანი კარანტინის შემდეგ მოსახლეობა სახლებიდან გარეთ გამოდის. მოქალაქეები უბრუნდებიან სამსახურებს.

ვიდეო დღეს, 11 მარტს, ჩინეთში მცხოვრებმა საქართველოს მოქალაქემ, ირმა დიმიტრაძემ გადაიღო და მოაწოდა „ბათუმელებს“.

ქალაქი ჩინეთში, რომლის ქუჩები ერთი თვის წინ სრულიად ცარიელი იყო

ჩინეთში მდებარე 5-მილიონიანი ქალაქი ანიანგი ცხოვრების ძველ რიტმს ნელ-ნელა უბრუნდება. ორთვიანი კარანტინის შემდეგ, მოსახლეობა სახლებიდან გარეთ გამოდის. მოქალაქეები უბრუნდებიან სამსახურებს.ვიდეო დღეს, 11 მარტსაა გადაღებული.

Posted by ბათუმელები • Batumelebi.ge on ოთხშაბათი, 11 მარტი, 2020

ჩინეთის პრეზიდენტი სი ძინპინი 10 მარტს ქალაქ ვუჰანში ჩავიდა, იქ, სადაც ვირუსი პირველად გამოვლინდა. ქვეყნის მასშტაბით ყველაზე მძიმე ვითარება სწორედ ამ ქალაქში იყო. ნელ-ნელა ვუჰანიც უბრუნდება ცხოვრების ჩვეულ რიტმს.

მაშინ, როცა ევროპასა და ამერიკაში ვირუსი სწრაფად ვრცელდება, ჩინეთში კორონავირუსით ინფიცირების შემთხვევები კლებულობს. BBC-ის თანახმად, 10 მარტს ქვეყანაში მხოლოდ 19 ახალი შემთხვევა დაფიქსირდა. დაავადებული ადამიანების გამოჯანმრთელების მაჩვენებელი კი 70%-ია.

ჩინეთი ახალ კორონავირუსს 2019 წლის დეკემბრიდან ებრძვის. ჰუბეის პროვინცია, სადაც 12 მილიონი ადამიანი ცხოვრობს, მთელი ამ ხნის განმავლობაში კარანტინში იყო მოქცეული, ააშენეს სპეციალური საავადმყოფოები, სადაც ვირუსით ინფიცირებულებს მკურნალობდნენ.

ჩინეთმა საქართველოს კორონავირუსის 1000 სწრაფი ტესტი გადმოსცა.

ნეტგაზეთის მასალების სხვა გამოცემებში გადაბეჭდვის წესი
ავტორი