Batumelebi | მეკობრეების მიერ გატაცებული მეზღვაურები ბათუმში დაბრუნდნენ [ფოტო] მეკობრეების მიერ გატაცებული მეზღვაურები ბათუმში დაბრუნდნენ [ფოტო] – Batumelebi
RU | GE  

მეკობრეების მიერ გატაცებული მეზღვაურები ბათუმში დაბრუნდნენ [ფოტო]

ქართველი მეზღვაურები, რომლებიც 20 თებერვალს გვინეის ყურიდან გაიტაცეს მეკობრეებმა, უკვე ბათუმში არიან. მეზღვაურები ლიბიიდან დღეს, 10 მარტს, ჩამოფრინდნენ. მათ აეროპორტში ოჯახის წევრები და ახლობლები დახვდნენ.

მეზღვაურებმა ტყვეობაში 15 დღე გაატარეს. საზღვაო ტრანსპორტის სააგენტოს ცნობით, მეზღვაურებმა ტყვეობიდან გათავისუფლების შემდეგ სრული სამედიცინო შემოწმება და სხვა საჭირო პროცედურები გაიარეს.

აჭარის ჯანდაცვის სამინისტროს ინფორმაციით, სწორედ ამის გამო მეზღვაურების მიმართ არ გაცემულა თვითიზოლაციის რეკომენდაცია.

“არათუ საკარანტინო, არამედ თვითიზოლაციასაც არ ექვემდებარებიან ეს ადამიანები, რადგან არ იყვნენ რისკჯგუფის ქვეყანაში,” – უთხრეს “ბათუმელებს” აჭარის ჯანდაცვის სამინისტროში.

ბათუმის აეროპორტში მეკობრეთა ტყვეობიდან გამოხსნილ ქართველ მეზღვაურებს საზღვაო ტრანსპორტის სააგენტოს დირექტორი თამარ იოსელიანი და აჭარის  ჯანდაცვის მინისტრი ზაალ მიქელაძე შეხვდნენ.

მეზღვაურებს აეროპორტში ოჯახის წევრები დახვდნენ

 

მეზღვაურებს აეროპორტში ოჯახის წევრები დახვდნენ

საზღვაო ტრანსპორტის სააგენტოს დირექტორი თამარ იოსელიანის თქმით, გემთმფლობელმა, Oceangold Tankers Inc-მა ყველა შესაბამისი ნაბჯი გადადგა მეზღვაურების ტყვეობიდან გამოსახსნელად და გამოავლინა კრიზის მართვის მაღალი უნარები, რამაც მნიშვნელოვნად დააჩქარა გათავისუფლების პროცესი. კომპანიის წარმომადგენლებმა თავად ჩამოიყვანეს მეზღვაურები საქართველოში.

ნეტგაზეთის მასალების სხვა გამოცემებში გადაბეჭდვის წესი
ავტორი