Batumelebi | ბათუმის ინფექციური საავადმყოფოს ბოქსირებულ განყოფილებაში 3 პირი მოათავსეს ბათუმის ინფექციური საავადმყოფოს ბოქსირებულ განყოფილებაში 3 პირი მოათავსეს – Batumelebi

ბათუმის ინფექციური საავადმყოფოს ბოქსირებულ განყოფილებაში 3 პირი მოათავსეს

ბათუმის ინფექციურ საავდმყოფოში სამი პირია მოთავსებული კორონავირუსზე ეჭვით, სამივე მათგანი იტალიაში იმყოფებოდა. მათ ანალიზები უკვე აუღეს და ხვალ, სავარაუდოდ დღის მეორე ნახევარში იქნება ცნობილი პასუხი.

აჭარის ჯანდაცვის მინისტრის მოადგილის, ნინო ნიჟარაძის თქმით, ერთი პირი სარფის საბაჟოზე იქნა იდენტიფიცირებული, ხოლო ორმა თავად მიმართა ინფექციურ საავადმყოფოს რესპირატორული დაავადების მსუბუქი სიმპტომებით.

„სამივეს ჰქონდა შეხება იტალიასთან უკანასკნელი 14 დღის განმავლობაში, სამივეს აქვს ძალიან მსუბუქი რესპირატორული ჩივილები, ტემპერატურა მხოლოდ 37,2-37,3 აღენიშნებათ. ცხელების ეპიზოდი არ დაფიქსირებულა, მაგრამ რადგან იტალიასთან ჰქონდათ შეხება, მიზანშეწონილად ჩაითვალა მათი ინფექციურში ჰოსპიტალიზება. აღებულია კვლევის მასალა და ხვალისთვის ველოდებით პასუხს“- ამბობს ნინო ნიჟარაძე.

ბოლო მონაცემებით საქართველოში კორონავირუსის 9 შემთხვევაა დადასტურებული. კარანტინის რეჟიმში იმყოფება 140 ადამიანი, ხოლო სტაციონარში მეთვალყურეობის ქვეშ – 42 პირი. 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com