მთავარი,სიახლეები

ინფექციურში მივიდა იტალიიდან ჩამოსული კაცი, რომელიც ბოქსირებულ განყოფილებაში მოათავსეს

04.03.2020 • 2137
ინფექციურში მივიდა იტალიიდან ჩამოსული კაცი, რომელიც ბოქსირებულ განყოფილებაში მოათავსეს

ბათუმის ინფექციური საავადმყოფოს ბოქსირებულ განყოფილებაში 30 წლის კაცი იმყოფება, რომელმაც თავად მიმართა კლინიკას – ამის შესახებ დღეს, 4 მარტს, განაცხადა ბათუმის ინფექციური ცენტრის კლინიკურმა მენეჯერმა, ინფექციონისტმა დავით მურვანიძემ. კაცი საქართველოს მოქალაქეა.

„25 თებერვალს ჩამოვიდა იტალიიდან. ამ დრომდე არავითარი ჩივილები არ ჰქონდა. ამ დილით, გამთენიისას, აუწია ტემპერატურამ და როგორც გაფრთხილებული იყო აეროპორტში, ჩვენ მოგვმართა. განიხილება როგორც კორონავირუსის შესაძლო შემთხვევა და მოთავსებულია ბოქსირებულ განყოფილებაში.

პაციენტს უტარდება სტანდარტით გათვალისწინებული ყველა საჭირო კვლევა, ანალიზი გაგზავნილია ლუგარის ლაბორატორიაში და ველოდებით, რომ ან გვიან ღამით, ან ხვალ დილით გვექნება პასუხი,“ – გვითხრა დავით მურვანიძემ.

ბათუმში, ბოქსირებულ განყოფილებაში, ამჟამად მხოლოდ ერთი პაციენტი მოთავსებული.

საქართველოში ამ დრომდე კორონავირუსის 3 შემთხვევაა დადასტურებული.

ამავე თემაზე: 

რამდენად არის მზად ბათუმის ინფექციური და როდის მივმართოთ მას – კორონას პრევენცია

გადაბეჭდვის წესი


ასევე: