Batumelebi | ბათუმში საკარანტინო ზონისთვის ერთი სასტუმრო მზად არის – აჭარის ჯანდაცვის მინისტრი ბათუმში საკარანტინო ზონისთვის ერთი სასტუმრო მზად არის – აჭარის ჯანდაცვის მინისტრი – Batumelebi

ბათუმში საკარანტინო ზონისთვის ერთი სასტუმრო მზად არის – აჭარის ჯანდაცვის მინისტრი

აჭარის ჯანდაცვის მინისტრის, ზაალ მიქელაძის განცხადებით, ბათუმში საკარანტინო ზონის მოსაწყობად კერძო სასტუმრო შეარჩიეს. „ერთი 27 საწოლზეა გათვლილი სასტუმრო მზადყოფნაშია. თუ გაჩნდება ეპიდსიტუაცია, სხვა სასტუმროებთანაც გავაფორმებთ ხელშეკრულებას“, – ამბობს ზაალ მიქელაძე.

მინისტრის თქმით, მთავრობა მულტისექტორულად მუშაობს კორონავირუსის პრევენციასთან დაკავშირებით. ზაალ მიქელაძე აცხადებს, რომ „ყველგან დაცულია ის სტანდარტი, რასაც მოითხოვს მსოფლიო ჯანდაცვის ორგანიზაცია და დაავადებათა კონტროლის ცენტრი. ამიტომაც, დროულად იქნა იდენტიფიცირებული ყველა საეჭვო შემთხვევა“.

რაც შეეხება ჰოსპიტალურ სექტორს, ზაალ მიქელაძის თქმით, ბათუმის ინფექციურ-კლინიკური საავადმყოფო მთლიანად ამ მიმართულებით არის აღჭურვილი, ბოქსირებული და ნახევრად ბოქსირებული 30 საწოლით.

„ჯერჯერობით არ დამდგარა საკითხი სხვა კლინიკის შერჩევის, თუმცა რესპუბლიკური საავადმყოფო მზადყოფნის რეჟიმშია“, – აცხადებს მინისტრი.

კორონავირუსი ამ დროისთვის საქართველოში სამ პირს დაუდასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com