3 მარტს საქართველოში დედის დღე აღინიშნება!
ძვირფასო დედებო, აჭარის ავტონომიური რესპუბლიკის განათლების, კულტურის და სპორტის სამინისტრო გილოცავთ გაზაფხულის პირველ და ულამაზეს დღესასწაულს.
დედაა სიცოცხლის, სიყვარულის და სიკეთის საწყისი და გამამრავლებელი დედამიწაზე.
ქართულ ენაში ყველაზე ნათლადაა გადმოცემული ჩვენი დამოკიდებულება დედის მიმართ. სიტყვები: დედამიწა, დედა-სამშობლო, დედა ენა, დედაქალაქი, დედაბოძი ამის ნათელი გამოხატულებაა.
ძვირფასო დედებო, გისურვებთ დღეგრძელობას, სიხარულის სიმრავლეს და თქვენთვის უმთავრესს – შვილების ჯანმრთელობას, კეთილდღეობას და ბედნიერ მომავალს!
