Batumelebi | ლადო კახაძე ზიარების კოვზზე: მიკროფონიც საერთო გამოყენების საგანია ლადო კახაძე ზიარების კოვზზე: მიკროფონიც საერთო გამოყენების საგანია – Batumelebi
RU | GE  

ლადო კახაძე ზიარების კოვზზე: მიკროფონიც საერთო გამოყენების საგანია

„როდესაც მიკროფონი მიაქვს ჟურნალისტს რესპონდენტთან, ზუსტად იმ მანძილზე მიაქვს, რომელიც ყველაზე მეტად არის საშიში ნერწყვის გადმოდენის კუთხით, გესმით?“ – განაცხადა პარლამენტის წევრმა ლადო კახაძემ აჭარის ტელევიზიის გადაცემაში „მთავარი 8 საათზე“. პარლამენტის წევრს, რომელიც გადაცემაში კორონავირუსის შესახებ საუბრობდა, ჟურნალისტმა კითხვა დაუსვა მართლმადიდებელ ეკლესიაში ზიარების რიტუალზე, რომლის დროსაც საერთო კოვზს იყენებენ და არსებობს დაავადების გავრცელების რისკი.

„საპატრიარქო არის დამოუკიდებელი ინსტიტუცია და ისინი თვითონ იღებენ ამ გადაწყვეტილებას, ამ პირობებში არავითარ გავრცელებას ან დასნებოვნებას არ ჰქონია ადგილი,“ – თქვა ლადო კახაძემ. გადაცემის წამყვანისგან რისკების შეხსენების შემდეგ კი, პარლამენტარმა ზიარების ნაცვლად, „მიკროფონებისგან დისტანცირებაზე“ რეკომენდაციის გაცემა ამჯობინა. თანაც დასძინა, რომ ეს მისი რემარკაა.

„…აქაც მინდა რეკომენდაცია: მიკროფონიც მრავალჯერადი გამოყენების საგანია და ძალიან ადვილად შესაძლოა მოხდეს მისი [ვირუსის] განვრცობა რესპონდენტიდან რესპონდენტზე… მოვერიდოთ ან დისტანცია დავიცვათ“, – დაასრულა ლადო კახაძემ.

ნეტგაზეთის მასალების სხვა გამოცემებში გადაბეჭდვის წესი
ავტორი