მთავარი,სიახლეები

საგანგებო: ბათუმის რესპუბლიკურში სასწრაფოს პაციენტები აღარ გადაჰყავს

02.03.2020 • 2617
საგანგებო: ბათუმის რესპუბლიკურში სასწრაფოს პაციენტები აღარ გადაჰყავს

ბათუმის რესპუბლიკურ საავადმყოფოში სასწრაფო დახმარების მანქანებს პაციენტები აღარ შეჰყავთ. ინფორმაცია ამის შესახებ „ბათუმელებს“ სასწრაფო სამედიცინო სამსახურში დაუდასტურეს.

“არ ხდება ბათუმის რესპუბლიკური საავადმყოფოს პაციენტებით გადატვირთვა, რადგან საჭიროების შემთხვევაში შეიძლება მისი საკარანტინო ზონად მომზადება გახდეს აუცილებელი,” – უთხრეს “ბათუმელებს” საგანგებო სიტუაციების კოორდინაციისა და გადაუდებელი დახმარების ცენტრის პრესსამსახურში.

ბათუმის რესპუბლიკური საავადმყოფოს ექიმებიც ადასტურებენ, რომ უკვე მესამე დღეა საავადმყოფოში სასწრაფოს ახალი  პაციენტები აღარ  მიჰყავს.

რესპუბლიკური საავადმყოფოს დირექტორი, მალხაზ ხალვაში ამტკიცებს, რომ კლინიკა ჩვეულ რეჟიმში აგრძელებს მუშაობას.

___

ამავე თემაზე:

ბათუმში საკარანტინო ზონას აწყობენ – ერთ-ერთ ვერსიად ახალ რესპუბლიკურს განიხილავენ

გადაბეჭდვის წესი