Batumelebi | ქვეყანა ერთი დღით ქალების გარეშე – პროტესტი მექსიკაში ქვეყანა ერთი დღით ქალების გარეშე – პროტესტი მექსიკაში – Batumelebi
RU | GE  

ქვეყანა ერთი დღით ქალების გარეშე – პროტესტი მექსიკაში

მექსიკაში გახშირებული გენდერული ნიშნით თავდასხმებისა და მკვლელობების ფონზე, აქტივისტები ქალებს მოუწოდებენ გაიფიცონ 9 მარტს, ქალთა საერთაშორისო დღის მომდევნო დღეს: არც ერთი ქალი სკოლასა და ოფისში, არც ერთი ქალი რესტორანსა და მაღაზიაში, არც ერთი ქალი საზოგადოებრივ ტრანსპორტში, მანქანებსა და გზაზე – ქვეყანა ერთი დღით ქალების გარეშე – ასეთია მექსიკელი ფემინისტური ჯგუფების გაერთიანების მოწოდება. ეს ხედვა გამოწვეულია ქალებისა და გოგონების მიმართ გაზრდილი ძალადობით.

სხვადასხვა სოციალური კლასების, ეთნოსების, პოლიტიკური ძალებისა და მოძრაობების მხარდაჭერამ გააჩინა იმედი, რომ ეს პროტესტი იქნება არა ტრაფარეტული, არამედ ნამდვილი წყალგამყოფი მექსიკელი ქალების ცხოვრებაში.

საიტ statista.com-ის ინფორმაციით, გასულ წელს მექსიკაში ფემიციდის 976 შემთხვევა აღინუსხა.

“ჩვენ ვსაუბრობთ იმაზე, რომ “რევოლუცია იქნება ფემინისტური”, “მომავალი იქნება ფემინისტური”, მაგრამ, როგორც ჩანს, ეს მომავალი უკვე აწმყოა”, – ამბობს არუსი უნდა, ფემინისტური მოძრაობის Las Brujas del Mar-ის (ზღვის ჯადოქრები) სპიკერი შტატ ვერაკრუზიდან. ისინი ერთიანი გაფიცვის ორგანიზებაში ეხმარებიან სხვა აქტივისტებს.

გასულ წლებში მექსიკაში ნაწილობრივ მოძრაობა #MeToo -სგან შთაგონებულმა აქტივისტებმა,  დაიწყეს მასობრივი გამოსვლები ქუჩაში გენდერული ძალადობისა და ჩაგვრის გასაპროტესტებლად. პროტესტის მონაწილეები ხშირად აზიანებდნენ შენობებს, წერდნენ ფემინისტურ ლოზუნგებს მთავრობის სახლებსა და ისტორიულ მონუმენტებზე.

სოციალურ ქსელებში ადამიანები ჰეშთეგით #UNDÍASINNOSOTRAS – (დღე ჩვენს გარეშე) ეხმიანებიან დაგეგმილ გაფიცვას.

პუებლა, მექსიკა, ფოტო: [REUTERS/Imelda Medina

წყარო: The New York Times

ნეტგაზეთის მასალების სხვა გამოცემებში გადაბეჭდვის წესი
ავტორი