Batumelebi | სამინისტრო 200 ათას ლარად საჯარო სკოლებისთვის ჯაზბენდის აღჭურვილობას ყიდულობს სამინისტრო 200 ათას ლარად საჯარო სკოლებისთვის ჯაზბენდის აღჭურვილობას ყიდულობს – Batumelebi
RU | GE  

სამინისტრო 200 ათას ლარად საჯარო სკოლებისთვის ჯაზბენდის აღჭურვილობას ყიდულობს

200 ათასი ლარი  დაიხარჯება აჭარი განათლების სამინისტროს ბიუჯეტიდან საჯარო სკოლებში ჯაზბენდისთვის საჭირო აღჭურვილობის შესაძენად. ამის შესახებ განათლების მინისტრმა სკოლის დირექტორებთან შეხვედრისას განაცხადა.

მინისტრის თქმით, მუსიკალურ აღჭურვილობას სკოლებში არაფორმალური განათლების მხარდაჭერის პროგრამის ფარგლებში შეიტანენ. სულ შეირჩევა 16 საჯარო სკოლა, მათ შორის მუნიციპალიტეტებშიც.

„გვინდა, ახალგაზრდებს ადგილზე ჰქონდეთ შესაძლებლობა, ფოლკლორის გარდა თანამედროვე მუსიკაც შეისწავლონ. ბავშვებს თავიანთი ინტერესების მიხედვით უნდა შეეძლოთ სკოლის სივრცეში რეალიზება,“- ამბობს მაია ხაჯიშვილი.

რა კრიტერიუმებით შეირჩა საჯარო სკოლები ან ვინ უნდა ასწავლოს ბავშვებს ინსტრუმენტებზე დაკვრა, უცნობია, რადგან, როგორც სამინისტროში „ბათუმელებს“ უთხრეს, კრიტერიუმების დამუშავება ახლა მიმდინარეობს.

სამინისტროს ინფორმაციით, სკოლების მუსიკალური ინსტრუმენტებით აღჭურვა მეორე კვარტალიდან დაიწყება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com