ყველაზე მეტი მიწა საპატრიარქოს ხელვაჩაურში გადასცეს – EMC

2019 წელს ყველაზე მეტი მიწა საპატრიარქოს, ქვეყნის მასშტაბით, ხელვაჩაურში გადასცეს. მონაცემებს „ადამიანის უფლებების სწავლების და მონმიტორინგის ცენტრი“ [EMC] ავრცელებს. ორგანიზაციის ცნობით, ჯამში, გასულ წელს, საპატრიარქოს ქონების მართვის სააგენტომ 100 670 კვადრატული მეტრი მიწის ნაკვეთი გადასცა.

EMC-ის ინფორმაციით, ხელვაჩაურში ჯამში 60 613 კვადრატული მეტრი მიწის ნაკვეთი გადასცეს საპატრიარქოს.

„მთავრობა, ლეგიტიმური საჯარო მიზნის გარეშე, აგრძელებს საპატრიარქოსთვის ფინანსური და მატერიალური რესურსების გადაცემის პრაქტიკას… აღსანიშნავია, რომ საპატრიარქოს ყველაზე მეტი მიწის ნაკვეთი გადაეცა ხელვაჩაურის მუნიციპალიტეტში, სადაც მოსახლეობის 56% პროცენტი მუსლიმია.

საპატრიარქოსთვის უძრავი ქონების გადაცემისა და სუბსიდირების არსებული პრაქტიკა არღვევს სეკულარიზმის კონსტიტუციურ პრინციპს და კონკრეტულ რელიგიურ ორგანიზაციას გაუმართლებელ პრივილეგიას ანიჭებს. ამგვარი მხარდაჭერის პრაქტიკა თვითნებობის და რელიგიური საკითხების პოლიტიკური ინსტრუმენტალიზების რისკებს აჩენს და მთლიანობაში ნეგატიურ გავლენას ახდენს დემოკრატიულ პროცესებზე,“ – აღნიშნულია EMC-ის მიერ გავრცელებულ ინფორმაციაში.

_____________

საქართველოს საპატრიარქო. ფოტო: patriarchate.ge

ნეტგაზეთის მასალების სხვა გამოცემებში გადაბეჭდვის წესი
ავტორი