მთავარი,სიახლეები

როგორი იქნება ძაღლების გადარჩენისას ზღვაში დაღუპული კაცის ქანდაკება

18.02.2020 • 3032
როგორი იქნება ძაღლების გადარჩენისას ზღვაში დაღუპული კაცის ქანდაკება

ქობულეთში, მეგობრობის ქუჩის სკვერში, ავთანდილ ცხვედიანის მემორიალი/ქანდაკებას დადგამენ. ის 2019 წლის 5 აგვისტოს თავისი ძაღლის გადასარჩენად შტორმის დროს შევიდა ზღვაში და დაიღუპა.

ქობულეთის მერიის კონკურსი ავთანდილ ცხვედიანის მემორიალის (ქანდაკება) ესკიზისა და პროექტის შექმნაზე დასრულებულია. ტენდერში ირაკლი ჟვანიამ გაიმარჯვა. პროექტის შესასყიდად მერიამ  7080 ლარი გადაიხადა.

ქობულეთის მერიის ცნობით, თებერვალში უკვე გამოცხადდება ტენდერი სამშენებლო სამუშაოების შეძენაზე – მემორიალის დამზადება-დამონტაჟებაზე. „გვინდა, რომ ზაფხულში, მაისში-ივნისში უკვე დასრულებული გვქონდეს მემორიალის მონტაჟი,” – ამბობს დავით ვერულიძე, ქობულეთის მერის მოადგილე.

„პროექტის მიხედვით, ეს იქნება მონუმენტური სახის სკულპტურული კომპოზიცია, რომელიც განთავსდება არსებულ შადრევანში სკვერში. იგი შედგება სამი ფიგურისგან, ცენტრში ავთანდილ ცხვედიანის ძეგლისგან და ორი ძაღლის ფიგურისგან, რომელიც შეადგენს ერთ მთლიან კომპოზიციას,” – წერია მემორიალის პროექტში, რომელიც ასე გამოიყურება:

 

 

ავთანდილ ცხვედიანი 51 წლის იყო. 2019 წლის 5 აგვისტოს ის ზღვაში შტორმის დროს თავისი ძაღლების, ბასტისა და ჯესის გამოსაყვანად ორჯერ შევიდა, ერთის გამოყვანა შეძლო, მეორედ შესვლის დროს კი დაიღუპა. მისი ოთხფეხა მეგობარი გადარჩა, ზღვიდან გამოსვლა შეძლო და რამდენიმე საათში დაბრუნდა სახლში.

გადაბეჭდვის წესი


ასევე: