Batumelebi | ოლიმპიადა ინგლისურში – გამარჯვებულები სწავლის დაფინანსების გრანტებს მიიღებენ ოლიმპიადა ინგლისურში – გამარჯვებულები სწავლის დაფინანსების გრანტებს მიიღებენ – Batumelebi
RU | GE  

ოლიმპიადა ინგლისურში – გამარჯვებულები სწავლის დაფინანსების გრანტებს მიიღებენ

ქართულ-ამერიკული სკოლა „პროგრესი“ აცხადებს ინგლისური ენის ოლიმპიადას მე-8, მე-9, მე-10 და მე-11 კლასების მოსწავლეებისთვის.

ოლიმპიადა გაიმართება 2020 წლის 2 მარტს.

გამარჯვებულები მიიღებენ სერტიფიკატებს და 30-40%-იან გრანტებს ამერიკულ აკადემიასა და ქართულ-ამერიკულ სკოლაში სწავლის დაფინანსებისთვის.

მონაწილეობის მსურველები 20 თებერვლამდე უნდა დარეგისტრირდნენ შემდეგ ბმულზე:

ოლიმპიადაში მონაწილეობა უფასოა.

ქართულ-ამერიკული საერთაშორისო სკოლა „პროგრესი“ ორიენტირებულია მაღალი ხარისხის ეროვნული და მსოფლიო სტანდარტების განათლებაზე.

სკოლაში ფუნქციონირებს სკოლამდელი აღზრდის, საშუალო სკოლის და უმაღლესი სკოლის – აკადემიის პროგრამები, სადაც მულტიკულტურული მახასიათებლების გათვალისწინებით ხდება იმ უნარების განვითარება, რაც აუცილებელია თანამედროვე ცხოვრების რეალური გამოწვევების დაძლევისთვის. სწავლა ქართულ და ინგლისურ ენებზე მიმდინარეობს და სკოლის კურსდამთავრებულები იღებენ როგორც სახელმწიფო ატესტატს, ასევე ამერიკული უმაღლესი სკოლის დიპლომს (აკრედიტებულია ამერიკის სააკრედიტაციო სააგენტოს “AdvancED”-ის და “უმაღლესი სასწავლებლების საბჭოს” მიერ).

სწავლების კურიკულუმი ეფუძნება ეროვნულ და ამერიკულ მოდულებს. სკოლა მოწინავეა STEM საგნებში, პროგრამები დატვირთულია სამეცნიერო და საგანმანათლებო-კულტურული ღონისძიებებით და ფესტივალებით; სკოლაში ფუნქციონირებს ლიტერატურის, ფილოსოფიის, გარემოს დაცვის, სპორტული და სახელოვნებო კლუბები. სკოლა „პროგრესი“ გამოირჩევა სოციალური პასუხისმგებლობით და ჩართულია  სოციალურ აქტივობებში რეგიონის მასშტაბით.

ქართულ-ამერიკული სკოლა „პროგრესი“ თანამშრომლობს საერთაშორისო საგანმანათლებლო საშუალო და უმაღლეს დაწესებულებებთან, მათ შორის ამერიკის, პოლონეთის და უკრაინის უნივერსიტეტებთან და ყოველწლიურად აწყობს გაცვლით პროგრამებს ქართველი და უცხოელი სტუდენტებისთვის. სკოლის მოსწავლეები ემზადებიან საერთაშორისო გამოცდებისთვის, როგორიცაა:  KET, PET, FCE, IELTS, PSAT, SAT, TOEFL ასევე გერმანულ ენაში გოეთეს გამოცდებისთვის.

სკოლის უმთავრესი აქტივი და დასაყრდენია მაღალკვალიფიციური კადრები, რომლებიც თითოეული მოსწავლის ინტერესების გათვალისწინებით საჭირო უნარ-ჩვევების განვითარებაზეა ორიენტირებული.

სკოლა „პროგრესის“ მიზანია განათლებული, სახელმწიფოებრივად მოაზროვნე, სამართლიანი და პასუხისმგებლიანი თაობის აღზრდა, რომელიც იქნება შეუქცევად პროგრესზე ორიენტირებული და თავის წვლილს შეიტანს ქვეყნის განვითარებაში.

ნეტგაზეთის მასალების სხვა გამოცემებში გადაბეჭდვის წესი
ავტორი