მილიონერი ბანკირი სენდვიჩების მოპარვის გამო სამსახურიდან გაათავისუფლეს

Citigroup Investment Bank-მა გაათავისუფლა ტრეიდერი, რომელსაც ბრალად ედება სამსახურებრივი ოფისის სასადილოდან სენდვიჩების მოპარვა.

Citygroup Investment Bank-ის ტრეიდერი, პარას შაჰი ხელმძღვანელობდა ევროპის, ახლო აღმოსავლეთისა და აფრიკის მაღალშემოსვლიანი ობლიგაციების დეპარტამენტს. მან ხელფასის სახით გასულ წელს ერთ მილიონზე მეტი ფუნტი სტერლინგი მიიღო, პრემიის ჩათვლით. ის თანამდებობიდან გასულ თვეს დაითხოვეს – წერს ევროპული პრესა.

31 წლის მილიონერის მიმართ ბრალდება ასე ჟღერს: მან კომპანიის სათავო ოფისის კორპორატიული სასადილოდან სენდვიჩები აიღო, მაგრამ თანხა არ გადაიხადა. კომპანიაში ჯერ არ დაუდასტურებიათ, ამას ჰქონდა თუ არა რეგულარული სახე.

ბიბისი წერს, რომ შახთან დაკავშირებას ცდილობენ, მაგრამ, როგორც ჩანს, მან სოციალური ქსელები წაშალა.

ბანკმა 2014 წელს კიდევ ერთი თანამშრომელი დაითხოვა მას შემდეგ, რაც გაირკვა, რომ მისი ერთ-ერთი ფინანსური მენეჯერი ლონდონის მატარებლებით უბილეთოდ მგზავრობდა.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.