ბათუმის საქალაქო სასამართლოს მოსამართლემ, ვიოლეტა ფორჩხიძემ, 1000 ლარით დააჯარიმა პირი სხვისი ქონების დაზიანებისთვის.
განაჩენის მიხედვით, ბრალდებულმა ბათუმში, ჭავჭავაძის ქუჩაზე მდებარე „ერთ-ერთ სლოტკლუბში ყოფნისას თამაშის დროს ხელის დარტყმით განზრახ დააზიანა სათამაშო აპარატის სენსორული მონიტორი“.
ექსპერტიზის დასკვნის მიხედვით, სლოტკლუბისთვის მიყენებული ზიანი 1160 ლარია.
საქმის მასალების მიხედვით, ბრალდებულმა დანაშაულის ჩადენა აღიარა და უდავოდ მიიჩნია პროკურატურის მიერ სასამართლოში წარდგენილი მტკიცებულებები.