თურქული მედია პირველ კადრებს ავრცელებს სამხედრო თვითმფრინავიდან, რომელმაც ჩინეთის პროვინცია ჰუბეიდან 42 პირი გამოიყვანა. კადრებში ჩანს, რომ თითოეულ ადამიანს აცვია სპეცტანსაცმელი. ბორტზე ჩანან ბავშვებიც.
თურქული მედიის ცნობით, სამხედრო თვითმფრინავში საქართველოს 3 მოქალაქეც იმყოფება. სამხედრო ხომალდი რამდენიმე საათში ჩაფრინდება თურქეთში.
თურქულ მედიასთან ოფიციალური პირები აცხადებენ, რომ ყველა ადამიანი, მათ შორის, საქართველოს და აზერბაიჯანის მოქალაქეებიც, ორი კვირის განმავლობაში თურქი ექიმების მეთვალყურეობის ქვეშ დარჩებიან და მხოლოდ ამ დროის გასვლის შემდეგ დაუბრუნდებიან ოჯახებს.
ქართული ოფიციალური წყაროების თანახმად, ქალაქ უხანიდან გამოსვლაზე საქართველოს ორმა მოქალაქემ უარი განაცხადა.
