აჭარის საავტომობილო გზების დეპარტამენტის გაზრდილი ბიუჯეტი და 2020 წლის გეგმები

აჭარის საავტომობილო გზების დეპარტამენტმა 2019 წელს ბიუჯეტი 99%-ით შეასრულა. ჩატარებული ინფრასტრუქტურული პროექტები რეგიონის ხუთ მუნიციპალიტეტს მნიშვნელოვნად დაეტყო.

2019 წელს აჭარის საავტომობილო გზების დეპარტამენტის ბიუჯეტიდან ხელვაჩაურის მუნიციპალიტეტისათვის დაახლოებით 9,2 მილიონი ლარი იყო გათვალისწინებული. საავტომობილო გზებზე მოეწყო: 9,7 კმ სიგრძის ასფალტობეტონის საფარი, 22 კმ სიგრძის ბეტონის საფარი, აშენდა 3 ახალი ხიდი და 62 ხელოვნური ნაგებობა.

მიმდინარე წელს კი ხელვაჩაურში გზების რეაბილიტაციისთვის ბიუჯეტიდან 7 963 000 ლარის დახარჯვაა დაგეგმილი. ხელვაჩაურის მუნიციპალიტეტში აჭარის საავტომობილო გზების დეპარტამენტის მიერ ახალი ხიდის მშენებლობისთვის 50 000 ლარი გამოიყოფა.რეაბილიტაცია ჩაუტარდება ორ ხიდს, რაზედაც ბიუჯეტში 15 000 ლარია გათვალისწინებული. საყრდენი კედლების მოსაწყობად ხელვაჩაურში აჭარის საავტომობილო გზების დეპარტამენტმა მიმდინარე წლის ბიუჯეტში 950 000 ლარი გამოყო. 555 000 ლარია გაწერილი დამცავი ნაგებობებისა და წყალარინების მოსაწყობად.

12,5 მილიონი ლარი დაიხარჯა ბიუჯეტიდან ქობულეთის ინფრასტრუქტურის მოწყობაზე. საავტომობილო გზებზე მოეწყო: 15,7 კმ სიგრძის ასფალტობეტონის საფარი, 24 კმ სიგრძის ბეტონის საფარი, აშენდა 8 ახალი ხიდი და 45 ხელოვნური ნაგებობა.

2020 წელს კი ქობულეთში გზების რეაბილიტაციისთვის აჭარის საავტომობილო გზების დეპარტამენტის ბიუჯეტიდან 11 638 500 ლარი გამოიყოფა. ახალი ხიდების მშენებლობისთვის დეპარტამენტის მიერ 213 700 ლარის დახარჯვა იგეგმება. მუნიციპალიტეტში საყრდენი კედლების მოსაწყობად ბიუჯეტიდან გამოყოფილია 775 150 ლარი. დამცავი ნაგებობებისა და წყალარინებისთვის კი აჭარის საავტომობილო გზების დეპარტამენტს 650 000 ლარი აქვს გათვალისწინებული.

მაღალმთიან აჭარაში ინფრასტრუქტურის გაუმჯობესება უკუმიგრაციაზე დადებითად აისახება. როგორც ქედის მერიაში განმარტავენ, კეთილმოწყობილ სოფლებში დაბრუნების და მიწის რეგისტრაციის მსურველთა რაოდენობა გაზრდილია. ქედის მუნიციპალიტეტში ინფრასტრუქტურული პროექტებისთვის 2019 წელს აჭარის საავტომობილო გზების დეპარტამენტის ბიუჯეტიდან 8 მილიონი ლარი დაიხარჯა. საავტომობილო გზებზე მოეწყო: 7,6 კმ სიგრძის ასფალტობეტონის საფარი, 21 კმ სიგრძის ბეტონის საფარი, აშენდა ერთი ახალი ხიდი და რეაბილიტაცია ჩაუტარდა სამ არსებულ ხიდს. მუნიციპალიტეტში მოეწყო 54 ხელოვნური ნაგებობა.

აჭარის საავტომობილო გზების დეპარტამენტი მიმდინარე წელს ქედაში გზის რეაბილიტაციისთვის 6 154 000 ლარს დახარჯავს. ქედის მუნიციპალიტეტში ხიდის მშენებლობისთვის 152 750 ლარია გათვალისწინებული, 30 000 ლარი კი ხიდის რეაბილიტაციისთვის უნდა დაიხარჯოს.

ქედაში 1 200,000 ლარის ღირებულების საყრდენი კედლების მოწყობაა დაგეგმილი. სამუშაოები 30-ზე მეტ ლოკაციაზე ჩატარდება. დამცავი ნაგებობებისა და წყალარინებისთვის კი ბიუჯეტიდან 390 000 ლარია გამოყოფილი.

2019 წელს აჭარის საავტომობილო გზების დეპარტამენტის ბიუჯეტიდან შუახევის მუნიციპალიტეტში 12 მილიონი ლარი დაიხარჯა. მუნიციპალიტეტში აშენდა დეპარტამენტის არსებობის ისტორიაში ყველაზე დიდი ხიდი, სოფელ ოქროპილაურში. აღნიშნული ნაგებობა სამ სოფელს ემსახურება. საავტომობილო გზებზე მოეწყო: 13 კმ სიგრძის ასფალტობეტონის საფარი, 17კმ სიგრძის ბეტონის საფარი, რეაბილიტაცია ჩაუტარდა ერთს და ზემოთ აღნიშნულის გარდა, კიდევ ერთი ხიდი აშენდა. მუნიციპალიტეტში მოეწყო 45 ხელოვნური ნაგებობა.

აჭარის საავტომობილო გზების დეპარტამენტის მიერ 2020 წელს გზების რეაბილიტაციის პროგრამის ფარგლებში შუახევის მუნიციპალიტეტში 5 520 000 ლარი დაიხარჯება. ათ კილომეტრზე მეტი ასფალტის, ხოლო 30 კილომეტრამდე ბეტონის საფარის გზა მოეწყობა. შუახევში მიმდინარე წელს ახალი ხიდის მშენებლობაც იგეგმება, რომლისთვისაც 68 000 ლარია გათვალისწინებული. რეაბილიტაცია ჩაუტარდება სამ ხიდს, რაზეც ბიუჯეტიდან 81 000 ლარი უნდა დაიხარჯოს. 1 200 000 ლარი შუახევის მუნიციპალტეტში საყრდენი კედლების მშენებლობა-მოწყობისთვის გამოიყოფა. დამცავი ნაგებობებისა და წყალარინების მოწყობისთვის აჭარის საავტომობილო გზების დეპარტამენტის ბიუჯეტიდან მიმდინარე წელს შუახევის მუნიციპალიტეტში 262 000 ლარი ღირებულების სამუშაოები უნდა ჩატარდეს.

ხულოს მუნიციპალიტეტში ინფრასტრუქტურული პროექტებისთვის 2019 წელს აჭარის საავტომობილო გზების დეპარტამენტის ბიუჯეტიდან 11 მილიონზე მეტი ლარი  დაიხარჯა. საავტომობილო გზებზე მოეწყო: 7,6 კმ სიგრძის ასფალტობეტონის საფარი, 30 კმ სიგრძის ბეტონის საფარი, აშენდა ორი ახალი ხიდი, მუნიციპალიტეტში მოეწყო 48 ხელოვნური ნაგებობა.

აჭარის საავტომობილო გზების დეპარტამენტის მიერ 2020 წელს გზების რეაბილიტაციის პროგრამის ფარგლებში ხულოს მუნიციპალიტეტში 5 163 000 ლარი დაიხარჯება. ხულოში წელს ხუთი ახალი ხიდი აიგება, რისთვისაც ბიუჯეტიდან 420 000 ლარი უნდა დაიხარჯოს. ხიდების რეაბილიტაციისთვის კი, დეპარტამენტის ბიუჯეტიდან 50 000 ლარი გამოიყოფა. გეგმის მიხედვით 1 000 000 ლარი უნდა დაიხარჯოს ხულოში საყრდენი კედლების მშენებლობა-მოწყობისთვის. 52 600 ლარი კი ხულოში დამცავი ნაგებობებისა და წყალარინების მოსაწყობად უნდა დაიხარჯოს.

ნეტგაზეთის მასალების სხვა გამოცემებში გადაბეჭდვის წესი
ავტორი