ყალბი ვებგვერდების შესახებ ინფორმაციას საპენსიო სააგენტო ავრცელებს. სააგენტო მომხმარებელს აფრთხილებს, რომ ეს გვერდები დიზაინით სააგენტოს ოფიციალურ საიტს ჰგავს.
სააგენტოს ინფორმაციით, ყალბ გვერდებზე მომხმარებელს საბანკო ბარათის მონაცემების შეყვანას სთხოვენ, სადაც ასევე აღნიშნულია, რომ ვერიფიკაციისთვის ბარათზე 0,01 თეთრი დაიბლოკება 24 საათით, რომელიც შემდეგ მომხმარებელს უკან დაუბრუნდება.
„საპენსიო სააგენტო სიფრთხილისკენ მოგიწოდებთ! შეგახსენებთ, რომ ოფიციალური ვებგვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო დანაზოგის შემოწმება კი, დამსაქმებლის მიერ მოწოდებული პაროლის მეშვეობით არის შესაძლებელი,“ – აღნიშნულია საპენსიო სააგენტოს მიერ გავრცელებულ ინფორმაციაში.
თაღლითურ სქემასთან დაკავშირებით, შინაგან საქმეთა სამინისტრომ საქმის შესწავლა დაიწყო.
ეროვნული ბანკის ინფორმაციით, დაგროვებით საპენსიო სქემაში ამ დროისთვის 700 000-ზე მეტი ადამიანია ჩართული
