ბათუმში, ავარიული დაზიანების გამო, ჯავახიშვილისა და ლერმონტოვის ქუჩებზე დროებით შეწყვეტილია წყალმომარაგება.
როგორც „ბათუმის წყლის“ პრესცენტრში ამბობენ, დაზიანების არეალი საკმაოდ დიდია, ამიტომ ამ დროისთვის მიმდინარეობს წყლის ამოტუმბვის სამუშაოები, რათა დადგინდეს რა ხარისხის დაზიანებაა. დაზიანების ხარისხის დადგენამდე კომპანიაში დაზუსტებით ვერ ამბობენ, როდის აღდგება წყალმომარაგება. “მიუხედავად იმისა, რომ დაზიანების არეალი საკმაოდ დიდია, ამ ქუჩებზე წყლის მიწოდება სავარაუდოდ დღის ბოლომდე აღდგება”, – გვითხრეს “ბათუმის წყლის” პრესცენტრში.
კომპანიის ინფორმაცით, წყალმომარაგების მიწოდების აღდგენის შემდეგ, შესაძლოა სარემონტო სამუშაოების გამო, წყალი იყოს მცირედით ამღვრეული, რაც გამოწვეულია მილზე არსებული ჯანმრთელობისათვის უსაფრთხო მინერალების ჩამორეცხვით . “გთხოვთ, წყლის მიწოდების აღდენის შემდეგ, ონკანი გააღეთ და წყალი ადინეთ რამდენიმე წუთით, შესაძლო ამღვრეული წყლის გამოშვების მიზნით,” – წერს “ბათუმის წყალი”.
