მთავარი,სიახლეები

კონკურსი XI-XII კლასის მოსწავლეებისთვის – გამარჯვებულს 20 000 ლარი გადაეცემა

11.01.2020 • 6198
კონკურსი XI-XII კლასის მოსწავლეებისთვის – გამარჯვებულს 20 000 ლარი გადაეცემა

მე-11 და მე-12 კლასის მოსწავლეებისთვის ევროპის უნივერსიტეტი აცხადებს კონკურს სახელწოდებით – „ჩემი იდეა ჩემს სკოლას“.

„თუ ფიქრობთ, რომ თქვენი იდეით შეგიძლიათ თქვენი სკოლის განვითარება, მაშინ ეს კონკურსი თქვენთვისაა“, – წერია საკონკურსო განაცხადის ფორმაში. – „გაერთიანდით თქვენს მეგობრებთან ერთად და გამოგვიგზავნეთ პროექტის აღწერა, სადაც მოგვიყვებით, თუ რას გააკეთებდით 20 000 ლარად თქვენი სკოლისთვის და დაგვანახებთ იდეის განხორციელების მნიშვნელობას და აუცილებლობას“.

საუკეთესო პროექტის ავტორ გამარჯვებულ გუნდს ევროპის უნივერსიტეტი იდეის განხორციელებისთვის 20 000 ლარს გადასცემს.

საუკეთესო პროექტს სპეციალური ჟიური გამოავლენს. ჟიურის წევრები იქნებიან: მასწავლებლის ეროვნული ჯილდოს გამარჯვებული და Global Teachers Prize-ის ფინალისტი, პედაგოგი ლადო აფხაზავა; „წიგნების თაროს“ წამყვანი, ალექსანდრე ლორთქიფანიძე და ფოტოგრაფი გოგა ჩანადირი.

კონკურსში რეგისტრაცია 2020 წლის 1 მარტამდე მითითებულ ბმულზე შეგიძლიათ.

გადაბეჭდვის წესი


ასევე: