Batumelebi | ასლან აბაშიძის პრესცენტრის უფროსი განათლების სამინისტროში დანიშნეს ასლან აბაშიძის პრესცენტრის უფროსი განათლების სამინისტროში დანიშნეს – Batumelebi

ასლან აბაშიძის პრესცენტრის უფროსი განათლების სამინისტროში დანიშნეს

აჭარის განათლების, კულტურისა და სპორტის სამინისტროში კულტურის დეპარტამენტის ხელმძღვანელად თამარ გუდავა დაინიშნა. ამის შესახებ ინფორმაციას ადასტურებენ სამინისტროში. უწყების პრესცენტრის ინფორმაციით, თამარ გუდავა კონკურსის წესით დაინიშნა თანამდებობაზე.

თამარ გუდავა საჯარო სამსახურში მუშაობის გამოცდილება აქამდეც ჰქონდა – ის აბაშიძის ხელისუფლების პირობებში უშუალოდ ასლან აბაშიძის პრესსპიკერი იყო.

____

ასლან აბაშიძემ 2004 წლის მაისში, საყოველთაო პროტესტის ფონზე დატოვა თანამდებობა და მოსკოვში გაემგზავრა. ასლან აბაშიძე ფაქტობრივად არ ემორჩილებოდა საქართველოს ხელისუფლებას და ქვეყნის კონსტიტუციის უგულებელყოფით მართავდა რეგიონს.

მთავარი ფოტო: თამარ გუდავას FB გვარდიდან.

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან