Batumelebi | აჭარის მაუწყებლის მრჩეველთა საბჭოს წევრებმა ახალი წლის წინ პრემიები მიიღეს აჭარის მაუწყებლის მრჩეველთა საბჭოს წევრებმა ახალი წლის წინ პრემიები მიიღეს – Batumelebi

აჭარის მაუწყებლის მრჩეველთა საბჭოს წევრებმა ახალი წლის წინ პრემიები მიიღეს

აჭარის საზოგადოებრივი მაუწყებლის მრჩეველთა საბჭოს წევრებმა წინასაახალწლოდ  პრემია დაირიცხეს. ამის შესახებ ინფორმაცია საბჭოს ერთ-ერთმა წევრმა თამარ წილოსანმა დაგვიდასტურა. მისი განმარტებით,  ეს არ ყოფილა პრემია და საბჭოს წევრებზე ეკონომიის სახით დარჩენილი თანხა გადანაწილდა.

თამარ წილოსანს არ დაუკონკრეტებია თანხის ოდენობა. „ბათუმელების“ ინფორმაციით კი თითოეულ წევრს 2000 ლარი შეხვდა.  ტელეფონს არ პასუხობს საბჭოს თავმჯდომარე გიგა ჩხარტიშვილი.  არ გვიპასუხეს სხვა მრჩევლებმა –  სოსო სტურუამ და თამილა დოლიძემ.

გადაუმოწმებელი ინფორმაციით პრემიის მიღებაზე უარი მხოლოდ საბჭოს თავმჯდომარემ გიგა ჩხარტიშვილმა თქვა.  ცოტა ხნის წინ  გაიზარდა საბჭოს წევრების ხელფასებიც.

აჭარის ახალი მრჩეველთა საბჭო 2 თვეზე მეტია რაც მუშაობას შეუდგა, საბჭოს ახალი წევრები უმაღლესმა საბჭომ 25 ოქტომბერს დაამტკიცა.

ნეტგაზეთის მასალების სხვა გამოცემებში გადაბეჭდვის წესი
ავტორი