მთავარი,სიახლეები

„მუფთად ადამ შანთაძე აირჩია სუსმა და არა მეჯლისმა“ – დაპირისპირება სამუფთოში

25.12.2019 • 5231
„მუფთად ადამ შანთაძე აირჩია სუსმა და არა მეჯლისმა“ – დაპირისპირება სამუფთოში

სრულიად საქართველოს მუფთი დღეიდან ადამ შანთაძე იქნება. მუფთის არჩევნები ბათუმში დღეს, 25 დეკემბერს, გაიმართა. მეჯლისის 19 წევრიდან შანთაძის არჩევას 12-მა დაუჭირა მხარი.

მუფთის არჩევნებში  სამი კანდიდატი მონაწილეობდა: ყოფილი მუფთის, ბეგლარ ქამაშიძის მოადგილე ადამ შანთაძე, ადიგენის მუფთი მამუკა ვაშაყმაძე და საქართველოს მუსლიმთა სამმართველოს დამფუძნებელი რეზო მიქელაძე.

სრულიად საქართველოს  მუსლიმთა სამმართველოს ორმა თანამშრომელმა, რეზო მიქელაძემ და თემურ გორგაძემ სკანდალური განცხადებით დატოვეს სამუფთო. მათი თქმით, ადამ შანთაძე აირჩია სუსმა და არა მეჯლისმა. მათი განცხადებით, გუშინ სუსიდან დაურეკეს მეჯლისის 19 წევრს და აიძულეს ამ გადაწყვეტილების მიღება.

„ახალი მუფთი სუსის დანიშნულია. თვენახევრის წინ უნდა ჩატარებულიყო არჩევნები, მაგრამ არ ჩატარდა. რადგან სუსი ამ დროის მანძილზე სასურველ კანდიდატს ეძებდა.
ვინც დღეს მუფთი გახდა, მან წუხელ გაიგო სუსისგან, რომ მუფთი ხდებოდა. ბეგლარ ქამაშიძემაც დღეს გაიგო, რომ უნდა გადამდგარიყო,“ – უთხრა „ბათუმელებს“ თემურ გორგაძემ.

პროტესტის ნიშნად თანამდებობები დატოვეს სამუფთოს დამაარსებელმა რეზო მიქელაძემ, მუფთის მრჩეველმა თემურ გორგაძემ და სამუფთოს პრესსამსახურის უფროსმა ოთარ ნადირაძემ.

https://www.facebook.com/batumelebi/videos/750309042133737/

გადაბეჭდვის წესი


ასევე: