მთავარი,სიახლეები

გამოვლინდა ორი გამარჯვებული კონკურსში „შენი იდეა ბათუმს“

25.12.2019 • 1688
გამოვლინდა ორი გამარჯვებული კონკურსში „შენი იდეა ბათუმს“

პროექტის „შენი იდეა ბათუმს“ 2020 წლის გამარჯვებული იდეები უკვე ცნობილია. ხმის მიცემის შედეგად გაიმარჯვა ორმა იდეამ:

  • ქართული ჭიდაობის ნახევრად ღია ტიპის საჭიდაო მოედანი, დარბაზი
  • ქუჩის კალათბურთი

პროექტ „ქუჩის კალათბურთის“ მიზანია სპორტის პოპულარიზაცია ახალგაზრდებში და ახალი ტალანტების აღმოჩენა. იდეის ავტორი ნიკოლოზ კიკვაძეა. პროექტის ბიუჯეტი 40 600 ლარია.

„ქართული ჭიდაობის ნახევრად ღია ტიპის საჭიდაო მოედანი, დარბაზი“ კი პაატა ურიადმყოფელის იდეაა. პროექტის თანახმად საჭიდაო მოედანი მოეწყობა ახალ ბულვარში, პროექტის მიზანია ქართული ჭიდაობის განვითარება და ტურისტული სანახაობის შექმნა.

ხმის მიცემა მიმდინარეობდა 2019 წლის 25 ნოემბრიდან 2019 წლის 21 დეკემბრამდე და პროცესში ჩართულნი იყვნენ ბათუმში რეგისტრირებული სრულწლოვანი მოქალაქეები. თითოეულ მოქალაქეს საშუალება ჰქონდა ხმა მიეცა 3 იდეისთვის.

ჯამში, ხმა მისცა 2009 მოქალაქემ, ხოლო ამ დრომდე რეგისტრაცია გავლილი აქვს 3,393 მოქალაქეს. ხმები კი შემდეგნაირად გადანაწილდა:

ქუჩის კალათბურთი – 765 ხმა
ქართული ჭიდაობის ნახევრად ღია ტიპის საჭიდაო მოედანი, დარბაზი – 752 ხმა
ონლაინთამაში Batumi dots – 271 ხმა
ძაღლების პარკი – 165 ხმა
ჭარტი – მოხატული საკანალიზაციო ლუქები – 42 ხმა
ელექტრონული შთაბეჭდილებების წიგნი star online – 14 ხმა

მონაწილეობითი ბიუჯეტის პროექტს „შენი იდეა ბათუმს“ 2019 წლის მაისიდან ახორციელებს ბათუმის მუნიციპალიტეტის მერია. პროექტის მხარდამჭერია ამერიკის შეერთებული შტატების საერთაშორის სააგენტოს (USAID) დემოკრატიული მმართველობის ინიციატივა (GGI) და სამოქალაქო საზოგადოების ინსტიტუტი.

 

გადაბეჭდვის წესი


ასევე: