Batumelebi | ბათუმში, კლდიაშვილის ქუჩაზე, ისტორიულ სახლს ანგრევენ – ნებართვა გაცემულია ბათუმში, კლდიაშვილის ქუჩაზე, ისტორიულ სახლს ანგრევენ – ნებართვა გაცემულია – Batumelebi

ბათუმში, კლდიაშვილის ქუჩაზე, ისტორიულ სახლს ანგრევენ – ნებართვა გაცემულია

ბათუმში, კლდიაშვილის #11-ში, ძველ, ორსართულიან სახლს ანგრევენ. ტერიტორია უკვე შემოღობილია და  დემონტაჟის სამუშაოები ამ წუთებში მიმდინარეობს. ადგილზე გვითხრეს, რომ მხოლოდ მუშები არიან და კითხვებზე ვერ გვიპასუხებენ, გვირჩიეს ეზოში შევსულიყავით და მეპატრონეს გავსაუბრებოდით, თუმცა ჭიშკარი საგულდაგულოდ დაკეტილი დაგვხვდა.

ბათუმი, კლდიაშვილის ქუჩა #11

ბათუმის მერიის ინფორმაციით კლდიაშვილის #11-ში რვასართულიანი სახლის მშენებლობა 2015 წელსაა შეთანხმებული და მერიამ მშენებელ კომპანიას ნებართვის ვადა სამი კვირის წინ გაუგრძელა. მშენებლობას სახლის დემონტაჟის ხარჯზე შპს „ინვესტი“  იწყებს. ეს ტერიტორია ძეგლის დაცვის ზონაშია, რადგან ქუჩაზე რამდენიმე სახლს კულტურული მემკვიდრეობის  ძეგლის სტატუსი აქვს, გარდა ამისა, კლდიაშვილის ქუჩა ბათუმში ერთ-ერთია, რომელსაც მეტ-ნაკლებად შენარჩუნებული აქვს ძველი, ისტორიული იერსახე.

დემონტაჟი კლდიაშვილის ქუჩაზე

ნეტგაზეთის მასალების სხვა გამოცემებში გადაბეჭდვის წესი
ავტორი