Batumelebi | საქართველოს ევროატლანტიკური ინტეგრაციის შესახებ „ანრიში“ საჯარო ლექცია გაიმართა საქართველოს ევროატლანტიკური ინტეგრაციის შესახებ „ანრიში“ საჯარო ლექცია გაიმართა – Batumelebi
RU | GE  

საქართველოს ევროატლანტიკური ინტეგრაციის შესახებ „ანრიში“ საჯარო ლექცია გაიმართა

10 დეკემბერს ბუსსს „ანრიში“ გაიმართა საჯარო ლექცია თემაზე: „საქართველოს ევროატლანტიკური ინტეგრაციის პროცესი, მიღწევები და გამოწვევები“.

ლექციას უძღვებოდა საგარეო საქმეთა სამინისტროს სსიპ „საინფორმაციო ცენტრი ნატოსა და ევროკავშირის შესახებ“ რეგიონალური წარმომადგენელი აჭარაში – ირმა გაბინაშვილი, რომელმაც წარადგინა პრეზენტაცია და განიხილა ორგანიზაციის დაარსებისა და მოღვაწეობის მოკლე ისტორია.

საჯარო ლექცია ბუსსს „ანრიში“

საჯარო ლექციაზე განხილულ იქნა ნატოსა და ევროკავშირის როლი მსოფლიოსა და განვითარებადი ქვენყებისათვის. აგრეთვე, ის თუ რა ძალისხმევას იღებს ნატო ამა თუ იმ ქვეყნის წინსვლისათვის, თუ როგორ ეხმარება კონკრეტული პრობლემების აღმოფხვრაში.

ასევე, საუბარი შეეხებოდა ნატოს საზღვაო ძალების ჩართულობას ქართულ საზღვაო სფეროში და ქვეყნის ჯარების განვითარებაში.  შეხვედრაზე განიხილეს საქართველოს ევროატლანტიკური ინეგრაციის პროცესი – თუ რა მიღწევები გააჩნია ჩვენს ქვეყანას ამ მიისის სწორად შესრულებაში.

ირმა გაბინაშვილი

საჯარო ლექციის მსვლელობისას განხილულ იქნა ასევე ნატოსა და ევროკავშირის შესახებ არსებული მითები და რეალობა, ის თუ რა პასუხისმგებლობას იღებს ორგანიზაცია და რა საქმიანობას ეწევა ქვეყნების დასახმარებლად.

საჯარო ლექციის დასასრული წარიმართა კითხვა-პასუხის რეჟიმში, სადაც დამსწრე საზოგადოებამ ამომწურავი პასუხი მიიღო საინტერესო თემებთან დაკავშირებით.

ლექციის ბოლოს სტუდენტებს აქტიური ჩართულობისათვის  გადასცეს ბრენდირებული ნივთები.

ნეტგაზეთის მასალების სხვა გამოცემებში გადაბეჭდვის წესი
ავტორი