Batumelebi | ბონ ჯოვის მესამე უფასო რესტორანი სტუდენტებისთვის ნიუ იორკში გაიხსნება ბონ ჯოვის მესამე უფასო რესტორანი სტუდენტებისთვის ნიუ იორკში გაიხსნება – Batumelebi
RU | GE  

ბონ ჯოვის მესამე უფასო რესტორანი სტუდენტებისთვის ნიუ იორკში გაიხსნება

57 წლის როკვარსკვლავმა ჯონ ბონ ჯოვიმ მშობლიურ ნიუ ჯერსიში თავიდან ორი რესტორანი გახსნა სახელწოდებით ,,Jon Bon Jovi Soul Kitchen restaurant“. ორივე რესტორანში კოლეჯის სტუდენტებს (და ყველას) შეუძლიათ მიირთვან უფასოდ. რესტორანში კერძებს ფასი არ ადევს და ვისაც საშუალება აქვს, იხდის 20 დოლარს – ამ ფასად სტუმრებს ყველაფრის მირთმევა შეუძლიათ, რაც სურთ.

20 დოლარი, რასაც მომხმარებლები აქ ერთ ჯერზე შესვლისას იხდიან, ერთგვარი სუფსიდიაა იმ მომხმარებლებისთვის, ვისაც ფული არ აქვთ.

საქველმოქმედო რესტორნების იდეა ბონ ჯოვის ცოლს, 30 წლის დოროთი ჰერლის ეკუთვნის. „შიმშილი წარმოუდგენელი რამეა, ეს არის პრობლემა ხალხის –  თქვენს ეკლესიებში, ბავშვების, რომლებიც სკოლაში დადიან“, – ამბობს დოროთი ჰერლი გამოცემა  CBS News -თან საუბრისას. Nypost.com-თან კი ბონ ჯოვი ამბობს, რომ ,,კოლეჯის მოსწავლეები არ უნდა იკვებებოდნენ მხოლოდ ლაფშით (კერძი ხორცით, ბოსტნეულით და მაკარონით).

ნიუ ჯერსიში, ტომს რივერსა და წითელ სანაპიროზე, ბონ ჯოვის ორივე რესტორანში ყოველ საღამოს სტუმრების ნახევარი ფულს იხდის და ისე მიირთმევს, ნახევარი კი, ვისაც 20 დოლარი არ აქვს – უფასოდ სადილობს.

ბონ ჯოვის ამ ტიპის მესამე რესტორანი ,,Jon Bon Jovi Soul Kitchen restaurant“-ი 2020 წლის 22 იანვარს გაიხსნება ნიუ  იორკის რატგერსის უნივერსიტეტის კამპუსში, სადაც გადახდა შესაძლებელი იქნება  როგორც თანხით, ასევე მოხალისეობრივი სამუშაოს შესრულებით.

 

წყარო: nypost.com

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com