ბათუმის ბაღების გაერთიანება სპეცმასწავლებლებს აიყვანს. ბაღების გაერთიანების ხელმძღვანელის მამუკა შამილიშვილის ინფორმაციით, სპეცმასწავლებლები ბათუმის 25 საბავშვო ბაღში იმუშავებენ. მისივე ინფორმაციით, ბათუმის საბავშვო ბაღებში 115 სპეციალური საჭიროების მქონე აღსაზრდელია.
ბაღების გაერთიანების ხელმძღვანელმა განმარტა, რომ სწორედ სპეცმასწავლებლების დამატებისთვისაა გათვალისწინებული ის თანხა, რომელიც 2020 წლის ბიუჯეტის პროეტში ნამატის სახით აისახა და „უკვე დასაქმებული აღმზრდელებისა და მასწავლებლების ხელფასების გაზრდა აღარ იგეგმება“.
ბათუმის 2020 წლის ბიუჯეტის პროექტის მიხედვით, ბათუმის ბაღების გაერთანების ბიუჯეტი 15 მილიონ 525 ათასი ლარი იქნება, რაც გასული წლის ბიუჯეტთან შედარებით 817 900 ლარით მეტია. ნამატი თანხა შრომის ანაზღაურების გრაფაშია ასახული.
