Batumelebi | პირს, რომელიც კადრების გავრცელების მუქარით ქალს სექსს სთხოვდა, 4 წელი მიუსაჯეს  პირს, რომელიც კადრების გავრცელების მუქარით ქალს სექსს სთხოვდა, 4 წელი მიუსაჯეს  – Batumelebi
RU | GE  

პირს, რომელიც კადრების გავრცელების მუქარით ქალს სექსს სთხოვდა, 4 წელი მიუსაჯეს 

თბილისის საქალაქო სასამართლომ ბრალდებული ლ.ც. დამნაშავედ ცნო სექსუალური ხასიათის იძულებასა და პირადი ცხოვრების საიდუმლოს ხელყოფაში.

პროკურატურის ცნობით, სასამართლო  პროცესზე  გამოკვლეული  მტკიცებულებებით დადასტურდა, რომ 2017 წელს ლ.ც.-მ უკანონოდ მოიპოვა ი.ყ.-ს პირადი ცხოვრების  ამსახველი ფოტო და ვიდეო მასალა და დაზარალებულის მეგობრებს გადაუგზავნა. ლ.ც. ასევე დაზარალებულს აღნიშნული მასალის სოციალურ ქსელში გავრცელებისა და ოჯახის წევრებთან გადაგზავნის მუქარით,  მასთან სქესობრივი კავშირის დამყარებას აიძულებდა.

სამართალდამცველებმა ლ.ც. 2019 წლის 7 მარტს დააკავეს.  პროკურატურამ  მას ბრალდება სისხლის სამართლის კოდექსის 139-ე მუხლის პირველი ნაწილით (სექსუალური ხასიათის იძულება) და 1571-ე მუხლის პირველი ნაწილით (პირადი ცხოვრების საიდუმლოს ხელყოფა, ე.ი. პირადი ცხოვრების საიდუმლოს უკანონოდ მოპოვება, შენახვა და გავრცელება)  წარუდგინა. მას აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ ლ.ც-ს სასჯელის სახედ და ზომად 4 წლით თავისუფლების აღკვეთა განუსაზღვრა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.