Batumelebi | აჭარისწყლის ხიდს და გოდერძის უცნობ სასაფლაოებს ძეგლის სტატუსი მიენიჭა აჭარისწყლის ხიდს და გოდერძის უცნობ სასაფლაოებს ძეგლის სტატუსი მიენიჭა – Batumelebi
RU | GE  

აჭარისწყლის ხიდს და გოდერძის უცნობ სასაფლაოებს ძეგლის სტატუსი მიენიჭა

ხელვაჩაურის სოფელ აჭარისწყალში მდებარე ხიდს და ხულოს მუნიციპალიტეტში, გოდერძის უღელტეხილის უცნობ სასაფლაოებს კულტურული მემკვიდრეობის უძრავი ძეგლის სტატუსი მიენიჭა.

საქართველოს კულტურული მემკვიდრეობის დაცვის ეროვნული სააგენტოს გენერალური დირექტორის ბრძანების მიხედვით, მდინარე აჭარისწყალზე მდებარე ხიდი XIX საუკუნის დასაწყისშია აგებული [ეს ხიდი ბათუმი-ახალციხის მაგისტრალიდან კირნათისკენ მიმავალ გზაზე მდებარეობს], ხოლო გოდერძის უღელტეხილის [„მეტეოს“] უცნობი სასაფლაოები, სავარაუდოდ, XIX საუკუნის II ნახევრიდან XX საუკუნის I ნახევრით თარიღდება.

კულტურული მემკვიდრეობის ძეგლები / წყარო: სააგენტო

– – –

აჭარის გზების დეპარტამენტს სახიდე გადასასვლელების [მათ შორის აჭარისწყლის ხიდის] გამოკვლევა-გამოცდის მომსახურების შესყიდვაზე ელექტრონული ტენდერი ჰქონდა გამოცხადებული თუმცა არ შედგა, ვინაიდან მასში მონაწილეობა არავინ მიიღო.

დეპარტამენტის ინფორმაციით, ხიდების გამოკვლევა-გამოცდის ჩატარება საჭიროა მათი ტექნიკური მდგომარეობის დადგენის მიზნით, ასევე, შესაბამისი ღონისძიებების ჩასატარებლად ნაგებობების მზიდუნარიანობის შესანარჩუნებლად, ხოლო საჭირო შემთხვევაში – ტვირთამწეობისა და გამტარუნარიანობის გაზრდის შესაძლებლობის განსაზღვრისთვის.

ამ თემაზე:

აჭარაში ხიდების გამოკვლევაზე 100 000-ლარიანი ტენდერი არ შედგა – ხიდების ჩამონათვალი

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com