დათვების რეაბილიტაციის პროგრამა ფეისბუქზე რამდენიმე ფოტოს აქვეყნებს, რომელზეც ასახულია, თუ როგორი ხერხით მიეწოდათ სარეაბილიტაციო ცენტრში მყოფ დათვებს საუზმე.
„ენრიჩმეტი, იგივე გარემოს გამრავალფეროვნება, ცხოველებისთვის აუცილებელია. საკვების განსხვავებული ხერხებითა და გართულებულად მიწოდება, დათვებს ერთ საკითხზე კონცენტრირებისკენ უბიძგებს და მოსაწყენად დრო აღარ რჩებათ. მთელი დღე მიირთმევენ და კიდევ უფრო ფუმფულდებიან“ – აღნიშნულია სარეაბილიცაო ცენტრის ფეისბუქგვერდზე.
ფოტო: დათვების რეაბილიტაცია FB
ფოტო: დათვების რეაბილიტაცია FB
ფოტო: დათვების რეაბილიტაცია FB
ფოტო: დათვების რეაბილიტაცია FB
დათვების რეაბილიტაციის პროგრამას თბილისის ზოოპარკი ახორციელებს. რეაბილიაცია დათვებისათვის შესაბამისი გარემოს შექმნას გულისხმობს, რომელშიც მათ ბუნებრივი ქცევის გამოხატვის მაქსიმალური შესაძლებლობა აქვთ. როდესაც დათვები მზად იქნებიან, მათ ველურ ბუნებაში დააბრუნებენ.
