ქობულეთში ავარიაში მოყოლილი ორი მეთორმეტეკლასელი კლინიკიდან გაწერეს


ბათუმისა და ქობულეთის კლინიკებიდან უკვე გაწერეს ავარიაში მოყოლილი ორი მეთორმეტეკლასელი, ორი არასრულწლოვანი კი ისევ რჩება ქუთაისის რეფერალურ ჰოსპიტალში. ისინი ისევ რეანიმაციულ განყოფილებაში არიან მართვით სუნთქვაზე.

არასრულწლოვნები 29 ოქტომბერს სოფელ ქობულეთში მოყვნენ ავარიაში – მსუბუქი ავტომანქანა ხეს შეეჯახა. ორი მეთორმეტეკლასელი ადგილზე დაიღუპა, ოთხი – კლინიკაში მოათავსეს.

კლინიკა „ევექსის“ პრესცენტრში „ბათუმელებს“ უთხრეს, რომ ქუთაისის რეფერალურ ჰოსპიტალში მოთავსებულ ბიჭს უკვე ჩაუტარდა ყბა-სახის ოპერაცია, მისი ჯანმრთელობის მდგომარეობა სტაბილურად მძიმეა, ხოლო ავარიის შედეგად დაშავებული გოგო ისევ „კრიტიკულად მძიმედაა“.

 

ნეტგაზეთის მასალების სხვა გამოცემებში გადაბეჭდვის წესი
ავტორი