„მისი მდგომარეობა კრიტიკულად მძიმეა, ისევ მართვით სუნთქვაზეა“, – გვითხრეს კომპანია „ევექსის“ პრესცენტრში იმ არასრულწლოვანი გოგოს ჯანმრთელობის მდგომარეობის შესახებ, რომელიც 29 ოქტომბერს ავარიის შედეგად მძიმედ დაშავდა და ქუთაისის რეფერალურ ჰოსპიტალში მოათავსეს. ამავე კლინიკაში ასევე მძიმე მდგომარეობაშია კიდევ ერთი არასრულწლოვანი ბიჭი, თუმცა ექიმების თქმით, მისი მდგომარეობა „სტაბილურად მძიმეა“.
არასრულწლოვნები 29 ოქტომბერს სოფელ ქობულეთში მოყვნენ ავარიაში – მსუბუქი ავტომანქანა ხეს შეეჯახა. ორი მეთორმეტეკლასელი ადგილზე დაიღუპა, ოთხი – კლინიკაში მოათავსეს. ამ დრომდე ერთი არასრულწლოვანი ქობულეთის რეფერალურ ჰოსპიტალში რჩება, მეორე – „ევექსის“ ბათუმის კლინიკაში. მათი ჯანმრთელობის მდგომარეობა სტაბილურია.
