მთავარი,სიახლეები

ჭყონდიდის მიტროპოლიტი: სინოდს ჰყავს მამათმავლური ცოდვით შეპყრობილი თავმჯდომარე

31.10.2019 • 1626
ჭყონდიდის მიტროპოლიტი: სინოდს ჰყავს მამათმავლური ცოდვით შეპყრობილი თავმჯდომარე

პეტრე ცაავამ დღეს, 31 ოქტომბერს, სინოდის სხდომიდან გამოსვლის შემდეგ განაცხადა, რომ ჭყონდიდის მიტროპოლიტის თანამდებობიდან „მამათმავლობისა და პიდარასტული ცოდვის მხილების“ გამო გადააყენეს.

როგორც მან სინოდის სხდომის დატოვების შემდეგ განაცხადა, რომ ეს გადაწყვეტილება სინოდის თავმჯდომარემ, პატრიარქმა მიიღო.

„საქართველოს კათოლიკოს პატრიარქი… ერს ჰყავს პიდარასტიის, მამათმავლური ცოდვით შეპყრობილი თავმჯდომარე სინოდს“, – განაცხადა მეუფე პეტრემ.

სინოდის თავმჯდომარე საქართველოს კათოლიკოს პატრიარქი ილია მეორეა.

პეტრე ცაავამ სინოდის სხდომა პირველმა დატოვა, თუმცა ჯერ უცნობია დასრულდა თუ არა ეს სხდომა.

პეტრე ცაავამ ასევე განაცხადა, რომ საქართველოს მართლმადიდებელი ეკლესიის წმინდა სინოდი პრეზიდენტ სალომე ზურაბიშვილს დეკანოზ გიორგი მამალაძის შეწყალების თხოვნით მიმართავს. აქამდე საპატრიარქო დეკანოზ გიორგი მამალაძის ჯანმრთელობის მძიმე მდგომარეობას ეჭვქვეშ აყენებდა და სიმულაციაზე მიანიშნებდა, რამდენიმე დღის წინ კი რამდენიმე ტელევიზიამ გაავრცელა ინფორმაცია, რომ მიიღეს „ციანიდის საქმეზე“ დაკავებული დეკანოზ გიორგი მამალაძის წერილი, რომლის სრულ შინაარსს, დეკანოზისვე თხოვნით, ჯერჯერობით არ ასაჯაროებენ.

გადაბეჭდვის წესი


ასევე: