ბათუმში იწვიმებს, მთაში კი თოვაა მოსალოდნელი – უახლოესი დღეების ამინდის პროგნოზი


გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, დღეს, 31  ოქტომბრის  21 საათიდან 1-ლი ნოემბრის 21 საათამდე, აჭარაში მოსალოდნელია უმეტესად ღრუბლიანი ამინდი, დროგამოშვებით წვიმა.

იქროლებს დასავლეთის მიმართულების ქარი 10-15 მეტრი წამში.

ჰაერის ტემპერატურა სანაპირო რაიონებში იქნება:

  • დღისით: 13-18 გრადუსი
  • ღამით: 8-13 გრადუსი 

მთაში მოსალოდნელია:

  • დღისით: 7-12 გრადუსი 
  • ღამით: 0-5 გრადუსი 

ზღვის წყლის ტემპერატურა 19 გრადუსია. ტალღის სიმაღლე უახლოეს დღეებში იქნება: 13-18 დმ  – 4 ბალი.

სინოპტიკოსების ცნობით, 2 ნოემბერს მოსალოდნელია  წვიმა,  ზოგან – ძლიერი. მთაში მოთოვს, გაძლიერდება დასავლეთის ქარი 17-22 მეტრ წამამდე.

მომდევნო ორ დღეს კი, 3-4 ნოემბერს, მოსალოდნელია უნალექო ამინდი.

___________________________

ფოტო: „ბათუმელები“, არჩილ კახაძის ფოტო.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.