საზოგადოებრივი თავშეყრის ადგილებში სამედიცინო დახმარების სპეციალიზებული ავტომანქანები იმოძრავებს.
ახალი სატრანსპორტო საშუალებები განკუთვნილია სასწრაფო სამედიცინო დახმარების პარამედიკოსებისთვის, რომლებიც ოპერატიულ რეაგირებას, რთული საგზაო მოძრაობის პირობებში, სასწრაფო დახმარების სტანდარტული ზომის ავტომანქანების მოსვლამდე შეძლებენ.
სპეციალიზებული ავტომობილები ღია სივრცეებში მოწყობილ თავშეყრის ადგილებში, საკონცერტო ღონისძიებების ტერიტორიებზე, ბულვარებსა და სხვა მსგავს ადგილებში განთავსდება, მათ შორის, ბათუმის ბულვარში.
ზუსტად როდის გამოჩნდება სასწრაფო სამედიცინო სპეციალიზებული მანქანები, ჯერჯერობით დაზუსტებული არ არის. როგორც საქართველოს საგანგებო სიტუაციების მართვის სამსახურში გვითხრეს, პროექტი დამუშავების პროცესშია და დეტალები დაზუსტებული არ არის.
