მთავარი,სიახლეები

მუცო ევროპული კულტურული მემკვიდრეობის ჯილდოს მფლობელი გახდა

30.10.2019 • 4093
მუცო ევროპული კულტურული მემკვიდრეობის ჯილდოს მფლობელი გახდა

კულტურული მემკვიდრეობის დაცვის სააგენტოს ინფორმაციით, ციხე-სოფელი მუცო ევროპული კულტურული მემკვიდრეობის ჯილდოს – „საზოგადოების რჩეულის“ ჯილდოს მფლობელი გახდა.

2019 წლის ევროპული კულტურული მემკვიდრეობის ჯილდოს – „საზოგადოების რჩეულის“ პრიზის მოსაპოვებლად ხმის მიცემა მიმდინარე წლის მაისიდან 15 სექტემბრის ჩათვლით მიმდინარეობდა.

სწორედ მაისში მოიპოვა მუცოს რეაბილიტაციის პროექტმა ევროპული მემკვიდრეობის პრიზი – ევროპა ნოსტრას ჯილდო.

მუცოსთან ერთად მსოფლიო კულტურული მემკვიდრეობიდან „საზოგადოების რჩეულის“ მოსაპოვებლად 30-მდე პროექტი მონაწილეობდა კონკურსში.

პარიზში ევროპული მემკვიდრეობის დაჯილდოებაზე იმყოფებოდა საქართველოს პრეზიდენტი სალომე ზურაბიშვილი

ერთ-ერთი ურთულესი და მასშტაბური ძეგლის, მუცოს აღდგენისა და გადარჩენის პროექტს 2014 წლიდან საქართველოს მთავრობის, საქართველოს განათლების, მეცნიერების, კულტურისა და სპორტის სამინისტროსა და ისტორიულ ძეგლთა დაცვისა და გადარჩენის ფონდის (ფონდი “ქართუ”) მხარდაჭერით, კულტურული მემკვიდრეობის დაცვის ეროვნული სააგენტო ახორციელებს.

ამავე თემაზე:

მუცოს კონკურენტები “საზოგადოების რჩეულის” ჯილდოს მოსაპოვებლად

გადაბეჭდვის წესი


ასევე: