28 ოქტომბერს საპატრიარქოს ვებგვერდზე ილია მეორის ბრძანება გამოქვეყნდა, რომლის მიხედვითაც მთავარეპისკოპოსი იაკობ იაკობიშვილი გათავისუფლებულია საპატრიარქოს კათოლიკოს პატრიარქის ქორეპისკოპოსის და საფინანსო-ეკონომიკური საბჭოს თავმჯდომარის მოვალეობებიდან.
ბრძანება
დღეს, 28 ოქტომბერს, შეხვედრა იყო საპატრიარქოში. ამ შეხვედრის შემდეგ მეუფე იაკობმა განაცხადა, რომ იგი ქორეპისკოპოსის, იმავე პატრიარქის თანაშემწის პოზიციას ტოვებს.
იაკობის გადადგომას წინ უსწრებდა მისი განცხადებები, რომელთა მიხედვითაც ხელისუფლების მაღალჩინოსნები ილია მეორის გადაყენებაში თანამონაწილეობას სთხოვდნენ.
ბოდბელმა ეპისკოპოსმა იაკობმა გასულ კვირას განაცხადა, რომ ყოფილი პრემიერ-მინისტრი გიორგი კვირიკაშვილი, სუს-ის უფროსი ვახტანგ გომელაური და იმდროინდელი ეკონომიკის მინისტრი გიორგი გახარია მას პატრიარქის გადაყენებაში დახმარებას სთხოვდნენ.
„კვირიკაშვილი, ვახო [გომელაური] და გიორგი გახარია მეჩალიჩებოდნენ იმაზე, რომ პატრიარქი გვინდა გადავაყენოთ და შიო [მუჯირი, პატრიარქის მოსაყდრე] დავაყენოთ პატრიარქადო. მე ვუთხარი, ბიჭო, თქვენ ვინ გეკითხებათ მაგას, ეკლესიამ თვითონ იცის და ცოცხალი პატრიარქის წინააღმდეგ როგორ მიდიხართ-თქო”, – თქვა მან.
მეტი ამ თემაზე:
https://netgazeti.ge/news/401258/
