განათლება,მთავარი,სიახლეები

IX-XII კლასის მოსწავლეებისთვის მწერალთა სახლი კონკურსს აცხადებს

25.10.2019 • 3839
IX-XII კლასის მოსწავლეებისთვის მწერალთა სახლი კონკურსს აცხადებს

მწერალთა სახლის ინფორმაციით, გამოცხადდა კონკურსი IX-XII კლასის მოსწავლეებისთვის, რომელიც მწერალ გურამ დოჩანაშვილის 80 წლის იუბილეს ეძღვნება. კონკურსში მონაწილეობა შეუძლიათ როგორც საჯარო, ასევე კერძო სკოლის მოსწავლეებს.

მოსწავლეებმა გურამ დოჩანაშვილის შემოქმედების მიხედვით სამი შეთავაზებული თემიდან უნდა დაწერონ და საკონკურსოდ წარადგინონ ერთ-ერთი:

[checklist]

  • კარცერი -ლუქსი – ოცნება წიგნის მოყვარულთათვის  [„კაცი, რომელსაც ლიტერატურა ძლიერ უყვარდა“]
  • გზა მწყემსობიდან ვატერპოლომდე [„ვატერ(პო)ლოო ანუ აღდგენითი სამუშაოები“]
  • ჩემი საყვარელი ნაწარმოები გურამ დოჩანაშვილის შემოქმედებიდან

[/checklist]

საკონკურსო ესეები უნდა გააგზავნოთ ელექტრონული სახით  მისამართზე nbekishvili@writershouse.ge.  ნაშრომი უნდა იყოს Microsoft word-ში ქართული უნიკოდით [შრიფტი – Sylfaen, ზომა – 12] აკრეფილი და არ უნდა აღემატებოდეს 5 გვერდს [1000 სიტყვას].

გაიცემა სამი პრემია, გამარჯვებულები დაჯილდოვდებიან  წიგნის მაღაზია „ბიბლუსის“ ვაუჩერებით.

I პრემია: 500-ლარიანი ვაუჩერი

II პრემია: 300-ლარიანი ვაუჩერი

II პრემია: 200-ლარიანი ვაუჩერი

„გამარჯვებული მოსწავლეების მგზავრობას რეგიონებიდან ფინანსურად მწერალთა სახლი უზრუნველყოფს. ასევე უზრუნველყოფილი იქნება მათი ღამისთევა,“- ნათქვამია მწერალთა სახლის მიერ გავრცელებულ განცხადებაში.

საკონკურსო ნაწარმოებების მიღების ბოლო ვადაა 2019 წლის 10 დეკემბერი. მწერალთა სახლის ინფორმაციით, ესეებს შეაფასებს ჟიური, რომელიც მწერალთა სახლის თანამშრომლებისაგან დაკომპლექტდება.

დაჯილდოება გაიმართება დეკემბრის ბოლოს მწერალთა სახლში.

გადაბეჭდვის წესი


ასევე: