მთავარი,სიახლეები

აფხაზეთში შემწვარი თხებით მორთული ქორწილის ქილიკის გამო მოქალაქეს სცემეს

24.10.2019 • 3062
აფხაზეთში შემწვარი თხებით მორთული ქორწილის ქილიკის გამო მოქალაქეს სცემეს

სოხუმში მცხოვრები 32 წლის ბესლან ხვარწკია მასზე ფიზიკური ძალადობის შემდეგ რეანიმაციაში იმყოფება. ხვარწკიას ცემის მიზეზი სოციალურ ქსელში იმ ქორწილის ქილიკი გახდა, რომელშიც სტუმრებს საქორწილო სუფრაზე შემწვარი ცხოველები დახვდათ. ხვარწკია აუდიომიმართვაში აღნიშნულ ქორწილს შეურაცხმყოფელი ფორმით [козлосвадьба] მოიხსენიებდა.

ინციდენტი 21 ოქტომბერს მოხდა. სოხუმის პოლიციის განყოფილებაში რესპუბლიკური საავადმყოფოდან შეტყობინება შევიდა, რომ მათთან მიიყვანეს ახალგაზრდა კაცი მრავალრიცხოვანი დაზიანებებით სხეულზე. პაციენტს ჰქონდა თავის ტვინის შერყევა, ცხვირის ძვლის მოტეხილობა, იარები გულმკერდის არეში, მრავლობითი სისხლჩაქცევები და ა.შ.

პროკურატურა აცხადებს, რომ განცხადების გარეშე საქმეს ვერ აღძრავენ, ფეისბუქზე გავრცელებული ვიზუალური მასალა კი, არც სისხლის სამართლის საქმის დაწყებისა და არც დანაშაულის მტკიცების საფუძველია.

პირი [გვარად აფხაზავა], რომელმაც 21 ოქტომბერს ქორწილი გადაიხადა, სკანდალში პირველად არ გახვეულა. მან რამდენიმე წლის წინ სოხუმის ცენტრში კულტურული მემკვიდრეობის ძეგლი დაანგრია და მის ადგილას სხვა, მოოქროვილი ჭიშკრითა და ირმებიანი ორნამენტებით შენობა ააშენა. აღნიშნულ ფაქტზე მაშინ პროკურატურამ საქმეც აღძრა, თუმცა, მალევე დახურა.

დაზარალებული ბესლან ხვარწკიას ახლობლები აცხადებენ, რომ მომხდარზე  გამოძიებას  თავად ჩაატარებენ.

______________________________

 

წაიკითხეთ ამ თემაზე მეტი ნეტგაზეთზე: 

აფხაზეთში შემწვარი თხებით მორთული ქორწილის ქილიკის გამო მოქალაქეს სცემეს

გადაბეჭდვის წესი


ასევე: