Batumelebi | თურქეთის საელჩო საქართველოში: არ მიიღოთ სარწმუნოდ პროვოკაციული პოსტები თურქეთის საელჩო საქართველოში: არ მიიღოთ სარწმუნოდ პროვოკაციული პოსტები – Batumelebi
RU | GE  

თურქეთის საელჩო საქართველოში: არ მიიღოთ სარწმუნოდ პროვოკაციული პოსტები

თურქეთის რესპუბლიკის საელჩო საქართველოში განცხადებას ავრცელებს.

„თურქეთის რეპუბლიკის ეროვნული თავდაცვის მინისტრის ბატონ ჰულუსი აქარის სახელით გახსნილია ყალბი ფეისბუქ გვერდები, სადაც პროვოცირების მიზნით ვრცელდება მცდარი ინფორმაცია მეზობელი ქვეყნების ტერიტორიების, თურქეთის საზღვრებში მოქცევის შესახებ.

გთხოვთ, არ მიიღოთ სარწმუნოდ, ყალბი გვერდები ან პროვოკაციული პოსტები და დაეყრდნოთ თურქეთის რესპუბლიკის პრეზიდენტის, საგარეო საქმეთა სამინისტროს, ეროვნული თავდაცვის სამინისტროსა და საელჩოს მიერ სოციალური მედიით გავრცელებულ ინფორმაციას,” – ნათქვამია განცხადებაში.

ფეისბუქში თურქეთის თავდაცვის მინისტრის ჰულუსი აქარის სახელით დეზინფორმაციული რუკა, 14 ოქტომბერს გამოქვეყნდა.  რუკის მიხედვით, თურქეთი პრეტენზიას აცხადებს ბულგარეთის, სომხეთის, აზერბაიჯანისა და საქართველოს ტერიტორიების ნაწილზე.

თურქეთის გენერალურმა  კონსულმა ბათუმში, მაქბულე ქოჩაკმა 16 ოქტომბერს, “ბათუმელებთან” ოფიციალურად დაადასტურა, რომ  ფეისბუქგვერდი ყალბია, არ ეკუთვნის თურქეთის თავდაცვის მინისტრს და მასზე გამოქვეყნებულ ინფორმაციას არაფერი საერთო არ აქვს თურქეთის  უმაღლესი პირების განცხადებებთან.

ამავე თემაზე:

ტყუილია, თითქოს თურქეთის თავდაცვის მინისტრი ბათუმზე პრეტენზიას აცხადებს

ნეტგაზეთის მასალების სხვა გამოცემებში გადაბეჭდვის წესი
ავტორი