ნეტგაზეთი • RU

რომელი ქუჩების კეთილმოწყობა იგეგმება ბონი-გოროდოკის დასახლებაში

ბონი-გოროდოკის ადმინისტრაციულ ერთეულში 7 ქუჩის კეთილმოწყობა იგეგმება.

ბათუმის საქალაქო ინფრასტრუქტურისა და კეთილმოწყობის სამმართველოს ინფორმაციით, კეთილმოეწყობა შემდეგი ქუჩები:

ალ. ჩხაიძის ქუჩის (ფეხით სავალი ნაწილი ერთ მხარეს, ჯიბეები) და ქუჩის გაგრძელების ნაწილი იაშვილის ქუჩიდან ერისთავის ქუჩამდე, იოსელიანის, ერისთვის შესახვევისა და II ჩიხის, ა. ნოღაიდელის, იაშვილის, კაიკაციშვილის, იუნკერების, დადიანის და ს. თაყაიშვილის ქუჩები.

ამ ეტაპზე სამუშაოები იაშვილის ქუჩაზე ხორციელდება.

ამ ქუჩებზე დაგეგმილია სანიაღვრე სისტემის, ტროტუარის მოწყობა და ასფალტის საფარის დაგება, ეზოების დაერთება სანიაღვრე არხებზე და ა.შ.

პროექტის ღირებულება 1 მილიონ 767 ათას ლარია.

პროექტი ორწლიანია და სამუშაოები 2020 წლის ოქტომბერში დასრულდება.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.