Batumelebi | რატომ გააპროტესტა ბათუმში ოპოზიციამ ნუცუბიძის ქუჩაზე ასფალტის დაგება რატომ გააპროტესტა ბათუმში ოპოზიციამ ნუცუბიძის ქუჩაზე ასფალტის დაგება – Batumelebi

რატომ გააპროტესტა ბათუმში ოპოზიციამ ნუცუბიძის ქუჩაზე ასფალტის დაგება

„წყალია გზაზე და ასფალტს ასხამენ. სპეციალურად აკეთებენ ამას, რომ ასფალტი მალე გაფუჭდეს და ხელახლა იყოს გასაკეთებელი,“ – აცხადებს „ერთიანი  ნაციონალური მოძრაობის“ წევრი, მიშა ბოლქვაძე. მან ბათუმში, ნუცუბიძის ქუჩაზე ასფალტის დაგების ამსახველი ვიდეომასალა ფეისბუქში გამოაქვეყნა.

მიშა ბოლქვაძის თქმით, ქუჩაზე, სადაც ასფალტის საფარს აგებენ, წყლის მილი დაზიანებულია.

წყლის მილის დაზიანებას ადასტურებენ ბათუმის მერიაშიც, თუმცა აქ გვითხრეს, რომ წყლის უმნიშვნელო რაოდენობა დაიღვარა იქ, სადაც ასფალტი დააგეს.

„მილი გასკდა გზაჯვარედინზე, იქ ჩვენ საერთოდ არ გვეკუთვნოდა ასფალტის საფარის დაგება. ეს იყო ბოსტნის მოსარწყავი მილი… სანამ გადააბეს-გადმოაბეს, რაღაც უმნიშვნელო ნაწილი დაიქცა. აგერაა მთელი მოსახლეობა და ყველა მადლობას გვიხდის… ,“ – უთხრა „ბათუმელებს“ ლევან ტყეშელაშვილმა, ბათუმის მერიის ინფრასტრუქტურის და კეთილმოწყობის ტექნიკურმა ზედამხედველმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი