აჭარის არ საავტომობილო გზების დეპარტამენტი ხუთივე მუნიციპალიტეტში აქტიურად განაგრძობს საგზაო ინფრასტრუქტურული პროექტების განხორციელებას.
ხელვაჩაურის მუნიციპალიტეტში განახლება-ზედა ახალშენის საავტომობილო გზის 1,05 კმ. სიგრძის მონაკვეთზე ასფალტობეტონის საფარის მოწყობის სამუშაოები დასრულდა. აღნიშნული ღონისძიების ფარგლებში მოეწყო 3675 კვ.მ ასფალტობეტონის საფარი და 750 გრძ.მ. სხვადასხვა ტიპის დამცავი-ხელოვნური ნაგებობა.
სამუშაოები შპს „პალადამ“ შეასრულა. პროექტის ღირებულება 390 990 ლარია.
შუახევის მუნიციპალიტეტში ბუთურაულის საავტომობილო გზის 2,794 კმ. სიგრძის მონაკვეთზე მოეწყო ასფალტობეტონის საფარი. პროექტის ფარგლებში, 1840 გრძ.მ. სხვადასხვა ტიპის დამცავი-ხელოვნური ნაგებობა და 12200 კვ.მ ასფალტობეტონის საფარი მოეწყო.
სამუშაოები შპს „გზებმა“ შეასრულა. პროექტის ღირებულება 1 208 964 ლარს შეადგენს.
