გორის სასამართლომ 5 წლის ბავშვთან გარყვნილ ქმედებისთვის კაცს 6 წლით პატიმრობა მიუსაჯა


გორის რაიონულმა სასამართლომ გარყვნილ ქმედებაში ბრალდებული ო.ი. დამნაშავედ ცნო და ექვსი წლით თავისუფლების აღკვეთა მიუსაჯა.

პროკურატურის ცნობით, სასამართლო პროცესზე, ბრალდების მხარის მიერ წარდგენილი მტკიცებულებებით დადასტურდა, რომ 2019 წლის მარტიდან ივლისის ჩათვლით, კასპის მუნიციპალიტეტში ო.ი. 5 წლის მეზობელი გოგონას მიმართ გარყვნილ ქმედებას ახორციელებდა.

სამართალდამცველებმა ო.ი. 2019 წლის 27 ივლისს დააკავეს.

გორის რაიონულმა პროკურატურამ მას ბრალდება საქართველოს სისხლის სამართლის კოდექსის 141-ე მუხლის პირველი ნაწილით (გარყვნილი ქმედება, დამნაშავისათვის წინასწარი შეცნობით თექვსმეტი წლის ასაკს მიუღწეველთან) წარუდგინა. ო.ი.-ს აღკვეთის ღონისძიების სახით პატიმრობა შეეფარდა.

საქართველოს სისხლის სამართლის კოდექსის თანახმად, გარყვნილი ქმედება არასრულწლოვანთან ისჯება თავისუფლების აღკვეთით ვადით ხუთიდან შვიდ წლამდე.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.