მთავარი,რეკლამა,სიახლეები

ბათუმის ნავიგაციის სასწავლო უნივერსიტეტში DAAD-ის წარმომადგენელი შეხვედრას გამართავს

09.10.2019 • 2051
ბათუმის ნავიგაციის სასწავლო უნივერსიტეტში DAAD-ის წარმომადგენელი შეხვედრას გამართავს

23 ოქტომბერს DAAD-ის წარმომადგენელი საინფორმაციო შეხვედრას გამართავს ბათუმის ნავიგაციის სასწავლო უნივერსიტეტში.

გერმანიის აკადემიური გაცვლის სამსახურის წარმომადგენელი მაქსი ბორნმანი სტუდენტებსა და პერსონალს გააცნობს ინფორმაციას იმის შესახებ, თუ რა გრანტებს და სტიპენდიებს სთავაზობს DAAD-ი როგორც სტუდენტებს, ასევე აკადემიურ / ადმიისტრაციულ პერსონალს გერმანიაში სწავლისა თუ კვალიფიკაციის ამაღლების მიზნით.

შეხვედრა, რომელიც ბნსუ-ს საერთაშორისო ურთიერთობების სამსახურის ორგანიზებით საკონფერენციო დარბაზში გაიმართება, 12 საათზე დაიწყება.

დამატებითი ინფორმაციის მისაღებად მიმართეთ საერთაშორისო ურთიერთობების სამსახურსს. ელ-ფოსტა: international@bntu.edu.ge

DAAD აერთიანებს ადამიანებსა და მეცნიერებას. დაარსდა 1925 წელს ჰაიდელბერგში, სტუდენტების ინიციატივით, დღესდღეობით კი ის ერთ-ერთ უმნიშვნელოვანეს ფონდს წარმოადგენს, რომელიც საერთაშორისო დონეზე უზრუნველყოფს სტუდენტებისა და მეცნიერების გაცვლას. დაარსებიდან დღემდე DAAD-მა ორი მილიონი ადამიანი დააფინანსა გერმანიასა და მის ფარგლებს გარეთ. აქვე უნდა აღინიშნოს, რომ DAAD-ის საქმიანობა სცილდება მხოლოდ სტიპენდიების სფეროს: DAAD ხელს უწყობს გერმანული უმაღლესი სასწავლებლების ინტერნაციონალიზაციას, აძლიერებს საზღვარგარეთ გერმანისტიკას და გერმანულს, როგორც უცხო ენას, განვითარების ეტაპზე მყოფ ქვეყნებს ეხმარება კონკურენტუნარიანი უმაღლესი სასწავლებლების შექმნაში, იმავდროულად კონსულტაციას უწევს განათლების, მეცნიერებისა და განვითარების პოლიტიკის სფეროს ექსპერტებს.

გერმანიის აკადემიური გაცვლის სამსახური (DAAD) საქართველოში 1988 წლიდანაა წარმოდგენილი. ბიუჯეტი სხვადასხვა ფედერალური სამინისტროების, პირველ რიგში კი საგარეო საქმეთა სამინისტროს, ასევე ევროკავშირის სახსრებით ფინანსდება.

გადაბეჭდვის წესი